ସରକାରଙ୍କୁ ଶିକ୍ଷୟତ୍ରୀଙ୍କ ଗୁହାରି, ଚାକିରି ସ୍ଥାୟୀ ପାଇଁ କଲେ ନିବେଦନ

ସ୍ବଳ୍ପ ଦରମା ସହ ଅନେକ ଦିନ ହେବ ଗୋଟିଏ ସ୍ଥାନରେ ରହିବା ଓ ସ୍ଥାୟୀ ନିଯୁକ୍ତି ପାଇଁ ଜଣେ ସଂସ୍କୃତ ଶିକ୍ଷୟତ୍ରୀ ମୁଖ୍ୟମନ୍ତ୍ରୀ ଓ ଗଣଶିକ୍ଷା ମନ୍ତ୍ରୀଙ୍କୁ ଗୁହାରି କରିଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ରାଜ୍ୟରେ ଶିକ୍ଷା ବ୍ୟବସ୍ଥାକୁ ନେଇ ରାଜ୍ୟ ସରକାର ନୀରିକ୍ଷଣ ଭାବରେ ଅନେକ ପଦକ୍ଷେପ ନେଉଛନ୍ତି । ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀଙ୍କ ପାଇଁ ଅନେକ ପଦକ୍ଷେପ ଗ୍ରହଣ କରୁଛନ୍ତି । ପିଲାଙ୍କୁ କିଭଳି ଭାବରେ ଉଚିତ ଶିକ୍ଷା ମିଳିବ ସେ ନେଇ ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ଆହ୍ଵାନ ଦିଆଯାଉଛି । ହେଲେ ଏହାରି ମଧ୍ୟରେ ଜଣେ ଶିକ୍ଷୟିତ୍ରୀ କାନ୍ଦି କାନ୍ଦି ରାଜ୍ୟ ସରକାରଙ୍କ ନିକଟରେ ଗୁହାରି କରିଛନ୍ତି । ସ୍ଵାମୀଙ୍କ ହରାଇବା ପରେ ପିଲାକୁ ନେଇ ଅନେକ ଦିନ ହେବ ସ୍ବଳ୍ପ ଦରମାରେ ଚଳିବା ତାଙ୍କ ପାଇଁ କଷ୍ଟକର ହୋଇପଡିଛି । ଚାକିରି ସ୍ଥାୟୀ ସହିତ ବଦଳି ନେଇ ମୁଖ୍ୟମନ୍ତ୍ରୀ ଓ ଗଣଶିକ୍ଷା ମନ୍ତ୍ରୀଙ୍କୁ ସୋସିଆଲ ମିଡିଆରେ ଅନୁରୋଧ କରିଛନ୍ତି ଜଣେ ସଂସ୍କୃତ ଶିକ୍ଷୟତ୍ରୀ ।

ଖୋର୍ଦ୍ଧା ଜିଲ୍ଲାର ସସ୍ମିତା ଜେନା । ଝାରସୁଗୁଡ଼ା ଜିଲ୍ଲାର ବ୍ରଜରାଜନଗରର ସରକାରୀ ସ୍କୁଲରେ ସଂସ୍କୃତ ଶିକ୍ଷୟତ୍ରୀ ଭାବରେ କାର୍ଯ୍ୟ କରନ୍ତି । କୋରୋନା ସମୟ ତାଙ୍କ ସ୍ବାମୀଙ୍କର ଦେହାନ୍ତ ପରେ ସମ୍ପୂର୍ଣ ଭାବରେ ଏକା ହୋଇଯାଇଛନ୍ତି । ଘର ଠାରୁ ବହୁ ଦୂରରେ ସ୍କୁଲରେ କାର୍ଯ୍ୟ କରୁଥିବାରୁ ଅନେକ ସମସ୍ୟାରେ ସମ୍ମୁଖୀନ ହେଉଛନ୍ତି । ଏହା ସହ ସ୍ବଳ୍ପ ଦରମା ସମେତ ଚଳିବା ତାଙ୍କ ପାଇଁ କଷ୍ଟକର ହୋଇଛି । ତେଣୁ ଚାକିରି ସ୍ଥାୟୀ ସହିତ ବଦଳି କରିବାକୁ ମୁଖ୍ୟମନ୍ତ୍ରୀ ଓ ଗଣଶିକ୍ଷା ମନ୍ତ୍ରୀଙ୍କୁ ଗୁହାରି କରିଛନ୍ତି ସସ୍ମିତା ।

ଏକ ଭିଡିଓ ଜରିଆରେ ସସ୍ମିତା କହିଛନ୍ତି ଯେ, ''କେତେ ଦିନ ଏମିତି କଷ୍ଟ ସହିବି । ଯିଏ ଲାଞ୍ଚ ଦେଇପାରିଲେ ତାଙ୍କର ବଦଳି ହେଲା । ଜଣେ ସାଧାରଣ ଶିକ୍ଷକ ଟିଏ ସେ କଣ କରିବ । ଏହାର ପରିବର୍ତ୍ତନ ହେବା ନିହାତି ଆବଶ୍ୟକ । 2016 ବ୍ୟାଚର ଶିକ୍ଷକଙ୍କୁ ରେଗୁଲାର କରନ୍ତୁ । କମ୍ ପଇସାରେ ବାହାର ଅଞ୍ଚଳରେ ଚଳିବା ବହୁତ କଷ୍ଟ ହେଉଛି । ରେଗୁଲାର ନା କରିବା ଫଳରେ ବଦଳି ହୋଇପାରୁନାହିଁ। ମୋର ଏକ ବର୍ଷର ବୟସର ଝିଅଟି ଥିବାରୁ ଆର୍ଥିକ ଆବଶ୍ୟକତାକୁ ନେଇ ଅନେକ ଅସୁବିଧାର ସମ୍ମୁଖୀନ ହେବାକୁ ପଡୁଛି । ତେଣୁ ଚାକିରି ସ୍ଥାୟୀ କରନ୍ତୁ । ରେଗୁଲାର ହୋଇନାହିଁ ବୋଲି ଟ୍ରାନ୍ସଫର ହୋଇପାରୁ ନାହିଁ।''

ସେ ଭିଡିଓରେ ଆହୁରି କହିଛନ୍ତି, ମୁଁ ମୋର ବାପା ଘର ଅଞ୍ଚଳରେ ଥିବା ସ୍କୁଲରେ ରହିବାକୁ ଚାହୁଁଛି । ଗଣଶିକ୍ଷା ମନ୍ତ୍ରୀ ଏବଂ ମୁଖ୍ୟମନ୍ତ୍ରୀଙ୍କୁ ଗୋଟିଏ ମାଆ ନିବେଦନ କରୁଛି, ମୋକ ବଦଳି ବ୍ୟବସ୍ଥା କରନ୍ତୁ । ଆମେ ବହୁତ ଅଭାବ ଅସୁବିଧାରେ ଚାଲୁଛୁ। ଆଉ କେତେ ଦିନ ଅପେକ୍ଷା କରିବୁ। ମୋତେ ନ୍ୟାୟ ଦିଅନ୍ତୁ ବୋଲି କାନ୍ଦି କାନ୍ଦି କହିଛନ୍ତି ଶିକ୍ଷୟତ୍ରୀ ସସ୍ମିତା।''

ସୂଚନା ଅନୁଯାୟୀ, ସସ୍ମିତାଙ୍କ ସ୍ଵାମୀ ମଧ୍ୟ ଜଣେ ଶିକ୍ଷକ ଥିଲେ । ସସ୍ମିତାଙ୍କର 1 ବର୍ଷର ଝିଅ ରହିଛି । ସ୍ଵାମୀଙ୍କ ଦେହାନ୍ତ ପରେ ଶାଶୁ ଘର ଲୋକ ସସ୍ମିତାକୁ ଅଣଦେଖା କରୁଛନ୍ତି । ଶାଶୁଘର ଲୋକ ଏକ ବ୍ୟାଙ୍କରୁ ଲୋନ କରି ପଇସା ନେଇ ଯାଇଥିବା ସାମାଜିକ ଗଣମାଧ୍ୟମରେ ଅଭିଯୋଗ କରିଛନ୍ତି ସସ୍ମିତା ।

ଇଟିଭି ଭାରତ, ଭୁବନେଶ୍ବର