ଭୁବନେଶ୍ବର: ସୀମା ଟପିଲେ ଓଲିଉଡ୍ ପ୍ରଯୋଜକ ଟୁଟୁ ନାୟକ । ଖବର ସଂଗ୍ରହ ପାଇଁ ଯାଇଥିବାବେଳେ ଇଟିଭି ଭାରତ ମହିଳା ସାମ୍ବାଦିକାଙ୍କୁ କଲେ ଆକ୍ରମଣ । ଇଟିଭି ଭାରତର କାର୍ଯ୍ୟରତ ସାମ୍ବାଦିକା ଦେବସ୍ମିତା ରାଉତ ଏକ ସିନେମା ହଲକୁ ଖବର ସଂଗ୍ରହ ପାଇଁ ଯାଇଥିଲେ । ସେଠାରେ ଦେବସ୍ମିତା ଖବର ପାଇଁ ଛିଡ଼ା ହୋଇଥିବା ସମୟରେ ପ୍ରଯୋଜକ ସଞ୍ଜୟ ନାୟକ ଓରଫ ଟୁଟୁ ହଠାତ୍ ତାଙ୍କୁ ଏକ ଚାପୁଡ଼ା ମାରିଥିଲେ । ଏନେଇ ଦେବସ୍ମିତା କିଛି ଜାଣିବା ପୂର୍ବରୁ ପୁଣି ତାଙ୍କ ପିଠିକୁ ଆକ୍ରମଣ ସହ ତାଙ୍କୁ କିଛି ଅସଭ୍ୟ ଭାଷାରେ ଗାଳିଗୁଲଜ କରିଛନ୍ତି । ଏହାପରେ ଦେବସ୍ମିତାଙ୍କ ମୋବାଇଲ ସହ ତାଙ୍କର ବୁମ ତଳେ ପଡି ଯାଇଥିଲା । ସେଠାରେ ଅନେକ ସାମ୍ବାଦିକ ମଧ୍ୟ ଉପସ୍ଥିତ ରହିଥିଲେ । ତେବେ ସେ ହଠାତ କାହିଁକି ଏଭଳି ଆଚରଣ କଲେ ସେନେଇ ସମସ୍ତେ ଆଶ୍ଚର୍ଯ୍ୟ ଚକିତ ହୋଇଛନ୍ତି । ଏନେଇ ତୁରନ୍ତ ଖାରବେଳ ନଗର ଥାନାରେ ଲିଖିତ ଅଭିଯୋଗ କରିଛନ୍ତି ସାମ୍ବାଦିକା ଦେବସ୍ମିତା ରାଉତ । ଅଭିଯୋଗ ପରେ ପୋଲିସ ମଧ୍ୟ ତଦନ୍ତ ଆରମ୍ଭ କରିଛି ।
-
#EtvBharat କାର୍ଯ୍ୟରତ ସାମ୍ବାଦିକା ଦେବସ୍ମିତା ରାଉତଙ୍କୁ ସର୍ବସମ୍ମୁଖରେ ଚାପୁଡା ମାରିଲେ ଟୁଟୁ ନାୟକ #DebasmitaRout #EtvBharat #EtvBharatOdisha #OdishaNews #Odisha #Bhuabaneswar @cpbbsrctc @dcpbbsr @DGPOdisha @CMO_Odisha
— ETVBharat Odisha (@ETVBharatOD) November 3, 2023 " class="align-text-top noRightClick twitterSection" data="
https://t.co/CAg5oFlzTM
">#EtvBharat କାର୍ଯ୍ୟରତ ସାମ୍ବାଦିକା ଦେବସ୍ମିତା ରାଉତଙ୍କୁ ସର୍ବସମ୍ମୁଖରେ ଚାପୁଡା ମାରିଲେ ଟୁଟୁ ନାୟକ #DebasmitaRout #EtvBharat #EtvBharatOdisha #OdishaNews #Odisha #Bhuabaneswar @cpbbsrctc @dcpbbsr @DGPOdisha @CMO_Odisha
— ETVBharat Odisha (@ETVBharatOD) November 3, 2023
https://t.co/CAg5oFlzTM#EtvBharat କାର୍ଯ୍ୟରତ ସାମ୍ବାଦିକା ଦେବସ୍ମିତା ରାଉତଙ୍କୁ ସର୍ବସମ୍ମୁଖରେ ଚାପୁଡା ମାରିଲେ ଟୁଟୁ ନାୟକ #DebasmitaRout #EtvBharat #EtvBharatOdisha #OdishaNews #Odisha #Bhuabaneswar @cpbbsrctc @dcpbbsr @DGPOdisha @CMO_Odisha
— ETVBharat Odisha (@ETVBharatOD) November 3, 2023
https://t.co/CAg5oFlzTM
ଓଲିଉଡ୍ର ଜଣାଶୁଣା ପ୍ରଯୋଜକ ଟୁଟୁ ନାୟକ ସବୁବେଳେ ବିବାଦ ମଧ୍ୟରେ ରହିଛନ୍ତି । ମହିଳାମାନଙ୍କ ପ୍ରତି ଦୁର୍ବ୍ୟବହାର ନେଇ ପୂର୍ବରୁ ମଧ୍ୟ ତାଙ୍କ ନାଁରେ ଅନେକ ଅଭିଯୋଗ ଆସିଛି । ନିକଟରେ ଅଭିନେତ୍ରୀ ପ୍ରକୃତି ମିଶ୍ର ଟୁଟୁଙ୍କ ନାଁରେ କାଷ୍ଟିଂ କାଉଚ୍ ଅଭିଯୋଗ ଆଣିଥିଲେ । ଟୁଟୁ ନାୟକ ଫିଲ୍ମରେ ଅଭିନେତ୍ରୀମାନଙ୍କୁ କାମ ଦେବାର ପ୍ରଲୋଭନ ଦେଖାଇ ଶୋଷଣ କରୁଥିବା ଅଭିଯୋଗ ଆଣିଥିଲେ ପ୍ରକୃତି ମିଶ୍ର । ‘‘my ollywood’’ ନାମକ ଏକ ହ୍ବାଟ୍ସାପ୍ ଗ୍ରୁପ୍ ଚାଟ୍ରୁ ସାମ୍ନାକୁ ଆସିଥିଲା ଏଭଳି ଘଟଣା । ଏହାପରେ ଅନେକ ଅଭିନେତ୍ରୀ ପ୍ରତିକ୍ରିୟା ରଖିଥିଲେ । ଅଭିନେତ୍ରୀ ଜସ୍ମିନ ରଥ ମଧ୍ୟ ତାଙ୍କ ସହ ଟୁଟୁ ନାୟକ କଣ କରିଛନ୍ତି ବୋଲି ନିଜ ମନର ଭାବନାକୁ ପ୍ରକାଶ କରିଥିଲେ । ଜସ୍ମିନ କହିଥିଲେ, "ଲେଟ୍ ନାଇଟ୍ ପ୍ରଫେସନାଲ ମିଟିଂ ପାଇଁ ମୋତେ ପ୍ରଯୋଜକ ଟୁଟୁ ନାୟକ ଡାକୁଥିଲେ । ମୁଁ ମନା କରିବାରୁ ମୋତେ ତାଙ୍କ ପ୍ରୋଜେକ୍ଟରୁ ସକାଳେ ବାହାର କରିଦେଲେ । ତାପରେ ମୋ ବ୍ୟକ୍ତିଗତ ଜୀବନ ଉପରେ ବିଭିନ୍ନ ସ୍ଥାନରେ ଆଶାଳୀନ ମନ୍ତବ୍ୟ ବି ଦେଲେ ।" ଯାହା ମତେ ମାନସିକସ୍ତରରେ ଆଘାତ ଦେଇଛି ବୋଲି ସେ କହିଥିଲେ । କେବଳ ଅଭିନେତ୍ରୀ ଜସ୍ମିନ ରଥ ନୁହଁନ୍ତି, ପୁପୁଲ ଭୂୟାଁ ମଧ୍ୟ ଏହି କଥାକୁ ସମର୍ଥନ ଜଣାଇଥିଲେ ।
ତେବେ ଟୁଟୁ ନାୟକଙ୍କ ଭଳି ଜଣେ ଅଭଦ୍ରତାର ପରିଚୟ ଦେଉଥିବା ପ୍ରଯୋଜକଙ୍କୁ ଓଡ଼ିଆ ସିନେମା ଇଣ୍ଡଷ୍ଟ୍ରିରୁ ବୟକଟ କରିବା ଦରକାର ଆଉ ତାଙ୍କ ବିରୋଧରେ ସବୁ ଅଭିନେତ୍ରୀଙ୍କୁ ସାମ୍ନାକୁ ଆସି ଅଭିଯୋଗ କରିବା ଦରକାର ବୋଲି ସେତେବେଳେ ପ୍ରକୃତି ଦାବି କରିଥିଲେ । ଏହାଦ୍ୱାରା ସିନେମା ଇଣ୍ଡଷ୍ଟ୍ରିରେ ହେଉଥିବା କାଷ୍ଟିଂ କାଉଚ୍ ବନ୍ଦ ହୋଇପାରିବ ଆଉ ସମସ୍ତେ ଏକ ସକାରାତ୍ମକ ପରିବେଶରେ କାମ କରିପାରିବେ ବୋଲି ସେ କହିଥିଲେ । ଆଜି ପୁଣିଥରେ ଏଭଳି ଏକ ଘଟଣା ସାମ୍ନାକୁ ଆସିବା ପରେ ଟୁଟୁ ନାୟକଙ୍କ ଚରିତ୍ର ଉପରେ ଅନେକ ଅଙ୍ଗୁଳି ଉଠିଛି । କେଉଁ ପରିସ୍ଥିତିରେ ଓ କଣ ପାଇଁ ସେ ଜଣେ ମହିଳା ସାମ୍ବାଦିକାଙ୍କ ଉପରକୁ ହାତ ଉଠାଇଲେ, ଏହା ଏବେ ସାଧାରଣରେ ପ୍ରଶ୍ନ ଉଠିଛି ।
ଇଟିଭି ଭାରତ, ଭୁବନେଶ୍ବର
