ଖୋର୍ଦ୍ଧା: ବାଣପୁର ସବଜେଲରେ ଜଣେ ବିଚରାଧୀନ କଏଦୀର ମୃତ୍ୟୁ ହୋଇଛି । ଗୁରୁବାର ସନ୍ଧ୍ୟାରେ କଏଦୀର ମୃତ୍ୟୁ ହୋଇଥିବା ସୂଚନା ଦେଇଛନ୍ତି ଜେଲ୍ କର୍ତ୍ତୃପକ୍ଷ କୋଶଳ ପଦ୍ମିନୀ ଦଳବେହେରା । ମୃତ ବିଚରାଧୀନ କଏଦୀର ନାଁ ଶିବୁନ୍ କୁସ ହୋଇଥିବାବେଳେ ସେ ଆସାମର ବାସିନ୍ଦା ବୋଲି ଜଣାପଡିଛି ।
ଶିବୁନ ବୁଧବାର ଝାରପଡା ଜେଲରୁ ବାଣପୁର ସବଜେଲକୁ ସ୍ଥାନାନ୍ତର ହୋଇଥିଲା । ବାଣପୁର ସବଜେଲର ପ୍ରଥମ ମହଲାରୁ ଅସାବଧାନତା କାରଣରୁ ଖସିପଡିଥିଲ। । ତୁରନ୍ତ ତାକୁ ଜେଲ କର୍ମଚାରୀ ବାଣପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ ମଧ୍ୟ ଯିବା ରାସ୍ତାରେ ମୃତ୍ୟୁ ହୋଇଯାଇଥିଲା । ଏହି ଘଟଣା ପରେ ଜେଲ୍ ପରିସରରେ କଏଦୀଙ୍କ ସୁରକ୍ଷା ପ୍ରତି ପ୍ରଶ୍ନବାଚୀ ସୃଷ୍ଟି ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
