ଭୁବନେଶ୍ବର: ରାଜ୍ୟ ସରକାର ଉତ୍ତମ ସ୍ବାସ୍ଥ୍ୟ ସୁବିଧା ଯୋଗାଇବା ଲାଗି ଅନେକ ପଦକ୍ଷେପ ହାତକୁ ନେଉଛନ୍ତି । ନୂଆପଡ଼ାରେ ଟ୍ରମା କେୟାର ସେଣ୍ଟର ପାଇଁ ୭୫.୭୦ କୋଟି ଟଙ୍କା ମଞ୍ଜୁର ହୋଇଛି । ନିର୍ଦ୍ଧାରିତ ସମୟସୀମା ମଧ୍ୟରେ କାର୍ଯ୍ୟ ପୂର୍ଣ୍ଣାଙ୍ଗ କରିବାକୁ ନିର୍ଦ୍ଦେଶ ଦିଆଯାଇଛି । ଏହି କେନ୍ଦ୍ରକୁ ଏକ ଲେଭେଲ ୩ ଟ୍ରମା କେୟାର ସେଣ୍ଟର ଭାବେ ବିକଶିତ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।
ପ୍ରକଳ୍ପର ଖର୍ଚ୍ଚ ଆକଳନକୁ ପ୍ରଶାସନିକ ଅନୁମୋଦନ ଦେଇ ନିର୍ଦ୍ଧାରିତ ସମୟ ସୀମା ମଧ୍ୟରେ କାର୍ଯ୍ୟ ପୂର୍ଣ୍ଣାଙ୍ଗ କରିବାକୁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଶାସନ ସଚିବ ଶାଳିନୀ ପଣ୍ଡିତ ସଂପୃକ୍ତ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ଏହି କେନ୍ଦ୍ରକୁ ଏକ ଲେଭେଲ ୩ ଟ୍ରମା କେୟାର ସେଣ୍ଟର ଭାବେ ବିକଶିତ କରାଯିବ । କେନ୍ଦ୍ରୀୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ନିୟମାବଳୀ ଅନୁଯାୟୀ ଏଥିରେ ଅତ୍ୟାଧୁନିକ ଚିକିତ୍ସା ଉପକରଣ, ଆଇସିୟୁ ପର୍ଯ୍ୟବେକ୍ଷଣ କକ୍ଷ, ଲ୍ୟାବ୍ ଓ ଇମେଜିଂ ଆଦିର ବ୍ୟବସ୍ଥା ରହିବ। ବର୍ତ୍ତମାନ ପର୍ଯ୍ୟନ୍ତ ରାଜ୍ୟର ବିଭିନ୍ନ ସରକାରୀ ହସ୍ପିଟାଲଗୁଡ଼ିକରେ ୧୦୬ଟି ଟ୍ରମା କେୟାର ସେଣ୍ଟର ବ୍ୟବସ୍ଥା କରାଯାଇଛି । ଏସବୁରେ ୧୫୬୦ଟି ବେଡ ରହିଛି ।
ଏହା ବି ପଢନ୍ତୁ- ରାଜ୍ୟରେ ଅସହ୍ୟ ତାତି, ସ୍କୁଲ ସମୟ ସକାଳୁଆ କରାଯାଉ: ଓଷ୍ଟା
ଏହା ସହ ରାଜ୍ୟରେ ୧୮ଟି ଘରୋଇ ସ୍ପେସାଲିଷ୍ଟ ହସ୍ପିଟାଲର ଟ୍ରମା କେନ୍ଦ୍ରଗୁଡିକକୁ ମଧ୍ୟ ଟ୍ରମା କେୟାର ଚିକିତ୍ସା ଲାଗି ତାଲିକାରେ ଅନ୍ତର୍ଭୁକ୍ତ କରାଯାଇଛି । ସୂଚନା ଥାଉ କି ଦୁର୍ଘଟଣାଗ୍ରସ୍ତ ଲୋକଙ୍କୁ ଘରୋଇ ହସ୍ପିଟାଲ ଟ୍ରମା ସେଣ୍ଟରଗୁଡିକରେ ଦେୟମୁକ୍ତ ଚିକିତ୍ସା ପାଇଁ ରାଜ୍ୟ ସରକାରଙ୍କ ପକ୍ଷରୁ ଟ୍ରମା କେୟାର ଦେୟମୁକ୍ତ ଚିକିତ୍ସା ପାଣ୍ଠିର ବ୍ୟବସ୍ଥା ମଧ୍ୟ କରାଯାଇଛି । ଏହା ସହ ରାଜ୍ୟରେ ପ୍ରତିଷ୍ଠା ହେବ ୫୫ଟି ଲେବୁଲ୍-3 ଟ୍ରମା କେୟାର ସେଣ୍ଟର । ଜାତୀୟ ରାଜପଥ ପାଶ୍ବର୍ରେ ପ୍ରତିଷ୍ଠା କରାଯିବ। ସଡକ ଟ୍ରାଫିକ ଦୁର୍ଘଟଣାରେ ମୃତ୍ୟୁ ହାରରେ ଜରୁରୀକାଳୀନ ମେଡିକାଲ କେୟାର (ଟ୍ରମା କେୟାର)କୁ ମଜଭୁତ କରିବାରେ ଓଡ଼ିଶା ଆଗକୁ ଆସିଛି ।
ତିନୋଟି ସ୍ତରରେ କାର୍ଯ୍ୟ କରିବ। ଅଧିକ ଶକ୍ତିଶାଳୀ କରିବା ପାଇଁ ସରକାର ପ୍ରଥମ ୪୮ଘଣ୍ଟା ମଧ୍ୟରେ ସଡ଼କ ଟ୍ରାଫିକ ଦୁର୍ଘଟଣା ଯୋଗୁଁ ଟ୍ରମା ପୀଡ଼ିତଙ୍କୁ ଚିକିତ୍ସା ଯୋଗାଇଦେବା ପାଇଁ ରାଜ୍ୟରେ ସ୍ତରୀୟ ୧ ଟ୍ରମା କେୟାର ସୁବିଧା ସହିତ ୧୮ କର୍ପୋରେଟ ହସ୍ପିଟାଲ କରିଛନ୍ତି । ଯାହା ୫୦ କିମି ଦୂରତା ମଧ୍ୟରେ ଗୋଟିଏ ଟ୍ରମା କେୟାର ସୁବିଧା ଉପଲବ୍ଧ ହେବ। ନୂତନ ପ୍ରସ୍ତାବିତ ଟ୍ରମା କେୟାର ସୁବିଧାଗୁଡ଼ିକର ସ୍ଥାନଗୁଡ଼ିକ ହେଉଛି ଅନୁଗୁଳ ଜିଲ୍ଲାରେ ପାଲହରା, ଖମାର, ବନାରପାଲ, ତାଳଚେର, ଛେଣ୍ଡିପଡା, ଆର.କେ.ନଗର, ବାଲେଶ୍ଵର ଜିଲ୍ଲାର ସୋର, ବରଗଡ଼ ଜିଲ୍ଲାରେ ପଦ୍ମପୁର, ବଲାଙ୍ଗୀର ଜିଲ୍ଲାରେ ଟିଟଲାଗଡ, ବୌଦ୍ଧ ଜିଲ୍ଲାରେ ପୁରୁଣା କଟକ, ଦେବଗଡ଼ ଜିଲ୍ଲାରେ ବାରକୋଟେ, ଢେଙ୍କାନାଳ ଜିଲ୍ଲାରେ କାମାକ୍ଷାନଗର, ଭୁବନ ।
ସେହିପରି ଗଜପତି ଜିଲ୍ଲାରେ ମୋହନ, ଆର ଉଦୟଗିରି, ଗଞ୍ଜାମ ଜିଲ୍ଲାରେ ଖଲିକୋଟ, ଭଞ୍ଜନଗର, ଆସ୍କା , ଯାଜପୁର ଜିଲ୍ଲାରେ ବଡ଼ଚଣା, ଝାରସୁଗୁଡ଼ା ଜିଲ୍ଲାରେ ଲଖନପୁର, ବ୍ରଜରାଜନଗର, କୋଲାବିରା, କଳାହାଣ୍ଡି ଜିଲ୍ଲାରେ କେସିଙ୍ଗା, କୋକସରା, ଧର୍ମଗଡ, କନ୍ଧମାଳ ଜିଲ୍ଲାରେ ତୁମୁଡିବନ୍ଧ, ଦାରିଙ୍ଗିବାଡି, ଟିଟିଲାଗଡ଼, କେନ୍ଦୁଝର ଜିଲ୍ଲାରେ ଚମ୍ପୁଆ, ଘଟଗାଁ, ଆନନ୍ଦପୁର, ଖୋର୍ଦ୍ଧା ଜିଲ୍ଲାରେ ବାଲୁଗାଓଁ, ବୋଲାଗଡ, କୋରାପୁଟ ଜିଲ୍ଲାରେ କୁନ୍ଧୁଲି, କୋଟାପଡ଼ା, ଲକ୍ଷ୍ମୀପୁରୀ ।
ମାଲକାନଗିରି ଜିଲ୍ଲାରେ ମାଥିଲି, କାଲିମେଳା, ମୟୂରଭଞ୍ଜ ଜିଲ୍ଲାରେ ଯଶିପୁର, କରଞ୍ଜିଆ, ବାଙ୍ଗିରିପୋଷି, ବେତନଟି, ନୟାଗଡ଼ ଜିଲ୍ଲାରେ ଦଶପଲ୍ଲା, ଚାନ୍ଦପୁର, ନୂଆପଡ଼ା ଜିଲ୍ଲାରେ ଖରିଆର କୋମନା, ପୁରୀ ଜିଲ୍ଲାରେ ପିପିଲି, ରାୟଗଡ଼ା ଜିଲ୍ଲାରେ ପଦ୍ମପୁର ସମ୍ବଲପୁର ଜିଲ୍ଲାରେ କୁଚିଣ୍ଡା, ଫସିମାଲ, ନାକତିଦେଉଳିଆ, ସୋନପୁର ଜିଲ୍ଲାରେ ଡୁଙ୍ଗୁରିପାଲି, ସୁନ୍ଦରଗଡ଼ ଜିଲ୍ଲାରେ ଲହୁଣୀପଡ଼ା, କୁତ୍ର, କୋଇଡା ଆଦି ସ୍ଥାନରେ ଟ୍ରମା କେୟାର କରାଯିବ ।
ଇଟିଭି ଭାରତ, ଭୁବନେଶ୍ବର
