ଖୋର୍ଦ୍ଧା: ପୁଣି ଅଲୋଡା ହେଲା ଶିଶୁକନ୍ୟା । ଖୋର୍ଦ୍ଧା ଜିଲ୍ଲା ବୋଲଗଡ ଥାନା ବାଙ୍କୋଇ ଫାଣ୍ଡି ଅସରଳା ପଞ୍ଚାୟତର କାଳିଗିରି ନଈରେ ଏକ ନବଜାତ ଶିଶୁକନ୍ୟାର ମୃତଦେହ ଉଦ୍ଧାର କରାଯାଇଛି ।
ଅଲୋଡା ଶିଶୁକନ୍ୟା, ନଈରୁ କଅଁଳ ଶିଶୁକୁ ଉଦ୍ଧାର କଲେ ସ୍ଥାନୀୟ ଚାଷୀ
ସୂଚନା ଅନୁଯାୟୀ, ଅସରଳା ଗ୍ରାମର ଚାଷୀମାନେ ଜମିକୁ ଚାଷ କରିବା ଉଦ୍ଦେଶ୍ୟରେ ନଈ ପାର ହୋଇ ଯାଉଥିବା ବେଳେ ଏକ ଶିଶୁକନ୍ୟାର ମୃତଦେହ ନଈକୂଳରେ ପଡିଥିବାର ଦେଖିଥିଲେ । ଏହାପରେ ଶିଶୁକୁ ଉଦ୍ଧାର କରି ସେ ଜଣେ କନ୍ୟା ଓ ତାର ମୃତ୍ୟୁ ହୋଇସାରିଥିବା ଜାଣିବାକୁ ପାଇଥିଲେ । ତେବେ ଶିଶୁଟି କାହାର ଏବଂ କିଏ କାହିଁକି ନଈରେ ଭସାଇ ଚାଲିଯାଇଥିଲା ସେ ନେଇ କୌଣସି ସୂଚନା ମିଳିନାହିଁ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
