ଖୋର୍ଦ୍ଧା: ତାମିଲ ସୁପରଷ୍ଟାର କମଲ ହାସନଙ୍କ ଆଉ ଏକ ଉପଲବ୍ଧି । ଓଡ଼ିଶା ମାଟିରେ ପାଇଲେ ବଡ ସମ୍ମାନ । ଜଟଣୀ ନିକଟସ୍ଥ ସେଞ୍ଚୁରିଆନ ବିଶ୍ବବିଦ୍ୟାଳୟ ପରିସରରେ ଆୟୋଜିତ ଏକ ଭବ୍ୟ ସମାରୋହରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କମଲ ହାସନଙ୍କୁ ସମ୍ମାନ ସୂଚକ ଡକ୍ଟରେଟ ଉପାଧି ପ୍ରଦାନ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି,ଖୋର୍ଦ୍ଧା
କମଲ ଫିଲ୍ମ ଇଣ୍ଡଷ୍ଟ୍ରି ପ୍ରତି ତାଙ୍କର ବିଶେଷ ଅବଦାନ ପାଇଁ ତାଙ୍କୁ ଏହି ଉପାଧି ଦିଆଯାଇଥିବା ସେଞ୍ଚୁରିଆନ ବିଶ୍ବବିଦ୍ୟାଳୟ ପକ୍ଷରୁ କୁହାଯାଇଛି । ଏହି ଉପାଧି ପାଇ କମଲ ବିଶ୍ବବିଦ୍ୟାଳୟ ନିକଟରେ କୃତଜ୍ଞ ଥିବା କହିଥିବା ବେଳେ ଓଡିଶା ଏକ ଆଦର୍ଶ ରାଜ୍ୟ କହି ମୁଖ୍ୟମନ୍ତ୍ରୀଙ୍କୁ ବେଶ ପ୍ରଶଂସା କରିଛନ୍ତି । ଏହି ସମାରୋହରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କମଲ, ସେଞ୍ଚୁରିଆନ ବିଶ୍ବ ବିଦ୍ୟାଳୟର ଚେୟାରମ୍ୟାନ ମୁକ୍ତି ମିଶ୍ର ଏବଂ କୁଳପତି ପ୍ରଫେସର ସୁପ୍ରିୟା ପଟ୍ଟନାୟକ ଉପସ୍ଥିତ ଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
