ଖୋର୍ଦ୍ଧା: କୋଭିଡ ନିୟମ ଉଲଙ୍ଘନ ଅଭିଯୋଗରେ ସୋମବାର ପୂର୍ବତନ ପୋଲିସ ପ୍ରଶାସକ ତଥା ବିଜେଡିର ସାଂସଦ ପାର୍ଥୀ ଅରୂପ ପଟ୍ଟନାୟକଙ୍କ ନାଁରେ ବେଗୁନିଆ ଥାନାରେ ଏତଲା ଦାଖଲ କରିଛନ୍ତି ଇନ୍ଦ୍ରମଣି ରଣସିଂହ ।
ଅରୂପ ପଟ୍ଟନାୟକଙ୍କ ନାଁରେ ବେଗୁନିଆ ଥାନାରେ ଏତଲା
ଅଭିଯୋଗ ଅନୁଯାୟୀ, ଗଣମାଣିତୀର ଗ୍ରାମରେ ଗ୍ୟାସ ଟାଙ୍କି ଫାଟି ଅଗ୍ନିକାଣ୍ଡ ଘଟିଥିବା ପରିବାରକୁ ଗତ ଦୁଇ ତାରିଖରେ ଭେଟିଥିବା ବେଳେ ଅରୂପ ପଟ୍ଟନାୟକ କୋଭିଡ ନିୟମକୁ ଉଲଙ୍ଘନ କରିଥିବା ନେଇ ଇନ୍ଦ୍ରମଣି ରଣସିଂହ ତାଙ୍କ ଏତଲାରେ ଦର୍ଶାଇଛନ୍ତି । ଗଣମାଣିତୀ ଗ୍ରାମରେ ପୂର୍ବରୁ ବହୁ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ କିପରି ଜଣେ ପୋଲିସ ପ୍ରଶାସକ କୋଭିଡ ନିୟମକୁ ଉଲଙ୍ଘନ କଲେ ସେ ନେଇ ତାଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି ଇନ୍ଦ୍ରମଣି ।
ଯଦି ଅରୁପ ପଟ୍ଟନାୟକଙ୍କ ଉପରେ କାର୍ଯ୍ୟାନୁଷ୍ଠାନ ନିଆ ନଯାଏ ତେବେ ଗ୍ରାମବାସୀ ରାଜରାସ୍ତା ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
