ଖୋର୍ଦ୍ଧା: କୋଭିଡରେ ମୃତ୍ୟୁ ପରେ ଛୁଇଁଲେନି ଗାଁ ଲୋକ । ଥାନା ଅଧିକାରୀ ଓ ଡାକ୍ତର ଦେଖାଇଲେ ମଣିଷ ପଣିଆ । କୋଭିଡ ଆକ୍ରାନ୍ତ ମୃତଦେହ କଲେ ସତ୍କାର । ଏପରି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ସାନ ରାଉତପଡା ଗ୍ରାମରେ ।
କୋରୋନାରେ ମୃତ୍ୟୁୁ ପରେ ଛୁଇଁଲେନି ଗାଁ ଲୋକ : ସତ୍କାର କଲେ ପୋଲିସ ଓ ଡାକ୍ତର
ଘଟଣାନୁସାରେ ସାନ ରାଉତପଡାର ହବିବ୍ ଖାଁ କୋରୋନାରେ ଆକ୍ରାନ୍ତ ହୋଇ ମେଡିକାଲରେ ପ୍ରାଣ ହରାଇଥିଲେ। ହବିବଙ୍କ ମୃତଦେହ ଗାଁକୁ ପଠାଇଥିଲା ପ୍ରଶାସନ । ଲୋକେ ଭୟରେ କୋରୋନା ଆକ୍ରାନ୍ତଙ୍କ ମୃତଦେହକୁ ଛୁଇଁ ନଥିବାବେଳେ ଲୋକଙ୍କ ମନରୁ ଭୟ ଦୂରେଇବା ପାଇଁ ଟାଙ୍ଗୀ ଥାନା ଅଧିକାରୀ ବିଜୟ କୁମାର ମଲିକ ଓ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଜିତେନ୍ଦ୍ର କୁମାର ସାହୁ କୋଭିଡ୍ କଟକଣା ମଧ୍ୟ୍ୟରେ ପିପିଇ କିଟ ପିନ୍ଧି ମୃତଦେହ ସତ୍କାର କରିଥିଲେ । ଡାକ୍ତର ଓ ପୋଲିସ ବାବୁଙ୍କ ଏଭଳି କାର୍ଯ୍ୟକୁ ସ୍ଥାନୀୟ ଲୋକେ ବେଶ ପ୍ରଶଂସା କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
