ଖୋର୍ଦ୍ଧା: ପାଣ୍ଡିଆବିଲି ଓ ବୁଢାଙ୍ଗରା ଗ୍ରାମବାସୀଙ୍କ ଯାତାୟତ ପାଇଁ ଏକ ଡଙ୍ଗା ଉପହାର ଦେଇ ବାହା ବାହା ନେଇଥିଲେ ଖୋର୍ଦ୍ଧା ଜିଲ୍ଲା ବିଜେଡି ସଭାପତି ବିଭୁତି ଭୂଷଣ ବଳବନ୍ତରାୟ । ତେବେ ଗୋଟିଏ ଦିନ ନଚାଲୁଣୁ ନଦୀ ଗର୍ଭରେ ଡଙ୍ଗା ବୁଡ଼ିଯାଇଛି । ଏହି ଦୃଶ୍ୟ ଦେଖିବା ପରେ କେବଳ ନିଜସ୍ବ ପ୍ରଚାର ପାଇଁ ନେତାଏ ଏଭଳି କାର୍ଯ୍ୟକ୍ରମ କରିଥିବା ଚର୍ଚ୍ଚା ହେଉଛି ।
ଏହା ବି ପଢ଼ନ୍ତୁ ନେତା ହେବତ ଏମିତି, ଚାନ୍ଦା କରି ଗ୍ରାମବାସୀଙ୍କୁ ଉପହାର ଦେଲେ ବୋଟ
ଡଙ୍ଗା ଉଦ୍ଘାଟନର ଗୋଟିଏ ଦିନ ନପୁରୁଣୁ ବୁଡି ଯାଇଛି ଡଙ୍ଗା । ପାଣ୍ଡିଆବିଲି ଓ ବୁଢାଙ୍ଗରା ଗ୍ରାମକୁ ଯିବା ଆସିବା କରିବା ପାଇଁ ଭଲ ରାସ୍ତାଟିଏ ନାହିଁ । ସାମାନ୍ୟ ବର୍ଷା ହେଲେ ଯିବା ଆସିବା ବନ୍ଦ ହୋଇଯାଏ । ତେଣୁ ରାସ୍ତା ପାର୍ ହେବାପାଇଁ ଏକମାତ୍ର ଭରସା ହେଲା ଡଙ୍ଗା । ଏହାକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ପକ୍ଷରୁ ଏକ ମୋଟରଚାଳିତ ବୋଟ୍ ଉକ୍ତ ଦୁଇଟି ଗ୍ରାମକୁ ଦିଆଯାଇଥିଲା । କିନ୍ତୁ ବୈଷୟିକ ସମସ୍ୟାରୁ ତାହା ମଧ୍ୟ ଆଉ କାମରେ ଲାଗୁନି ।
ଏଭଳି ସମସ୍ୟା ପରେ ଖୋର୍ଦ୍ଧା ଜିଲ୍ଲା ବିଜେଡି ସଭାପତି ସ୍ଥାନୀୟ ଜନ ପ୍ରତିନିଧିମାନଙ୍କ ସହାୟତାରେ ଏକ ଲକ୍ଷ ଟଙ୍କା ଯୋଗାଡ କରି ବୋଟ କିଣି ଉପହାର ଦେଇଥିଲେ । ଏହାକୁ ନେଇ ଖୁସି ଜାହିର କରିଥିଲେ ଖୋର୍ଦ୍ଧା ଜିଲ୍ଲା ଜଟଣୀ ବ୍ଲକର ପାଣ୍ଡିଆବିଲି ଓ ବୁଢାଙ୍ଗରା ଗ୍ରାମବାସୀ । ତେବେ ଡଙ୍ଗା ବୁଡ଼ିବା ପରେ ପୁନଃ ଯାତାୟତ ସମସ୍ୟାରେ ଛନ୍ଦି ହୋଇଛନ୍ତି ପାଣ୍ଡିଆବିଲି ଓ ବୁଢାଙ୍ଗରା ଗ୍ରାମବାସୀ ।
ଇଟିଭି ଭାରତ, ଖୋର୍ଦ୍ଧା
