ଖୋର୍ଦ୍ଧା: ଗାଡ ଭାଲୁର ମୃତ ଦେହ ଉଦ୍ଧାର । ଏହି ଭାଲୁଟିକୁ ଖୋର୍ଦ୍ଧା ଜିଲା ଟାଙ୍ଗୀ ବଣ୍ୟପ୍ରାଣୀ ବିଭାଗର କର୍ମଚାରୀ ମାନେ ଚିଲିକା କୂଳରେ ପାଟ୍ରୋଲିଂ କରୁଥିବା ବେଳେ ଉଦ୍ଧାର କରିଛନ୍ତି ।
ମୃତ ଗାଡ଼ ଭାଲୁ ପୁରୁଷ ହୋଇଥିବା ବେଳେ ତାର ବୟସ ୧ ବର୍ଷ ହେବ ବୋଲି ଜଣାପଡିଛି । ମୃତ୍ୟୁର ପ୍ରକୃତ କାରଣ ଜଣାପଡିନଥିବାବେଳେ ଭାଲୁର ଶବକୁ ଟାଙ୍ଗୀ ପ୍ରାଣୀ ଚିକିତ୍ସା କେନ୍ଦ୍ରରେ ବ୍ୟବଚ୍ଛେଦ କରାଯିବା ପରେ ଜଙ୍ଗଲରେ ପୋତି ଦିଆଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଖବର ଅନୁଯାୟୀ, ଏହି ଗାଡ ଭାଲୁ ପରିବେଶ ପାଇଁ ବେଶ ଉପକାରୀ ହୋଇଥିବାବେଳେ କୃଷକର ବନ୍ଧୁ ଭାବେ ଜଣାଶୁଣା । ଏମାନେ ସାପ,କୋଚିଆ,ଗେଣ୍ଡା ଖାଇ ବଞ୍ଚି ରହନ୍ତି । ଦିନକୁ ଦିନ ଏମାନଙ୍କ ସଂଖ୍ୟା କମିବାରେ ଲାଗିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
