ଭୁବନେଶ୍ବର:ରାଜ୍ୟରେ ଜାରି ରହିଛି କୋଭିଡ ବିରୋଧି ଲଢେଇ । କୋରୋନାକୁ ମାତ ଦେବା ପାଇଁ ଆରମ୍ଭ ହୋଇଥିଲା କ୍ୟାମ୍ପେନ ମୋଡରେ ଟୀକାକରଣ । କୋରୋନା ମହାମାରୀରେ ସଂକ୍ରମଣ ହାର କମ କରିବାକୁ ସାରା ଦେଶ ସମେତ ରାଜ୍ୟରେ ଟୀକାକରଣ ବ୍ୟାପକ କରାଯାଇଛି । ଏହାରି ମଧ୍ୟରେ ଏକ ଆଶ୍ବସ୍ତିକର ଖବର ସାମ୍ନାକୁ ଆସିଛି । ରାଜ୍ୟରେ 2 କୋଟି ପାର କରିଛି ଟୀକାକରଣ । ଏନେଇ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି ।
ବର୍ତ୍ତମାନ ସୁଦ୍ଧା 2 କୋଟି 21 ହଜାର 814 ଡୋଜ ଟିକା ଦିଆଯାଇଛି । ସେଥିମଧ୍ୟରୁ 1 କୋଟି 53 ଲକ୍ଷ 87 ହଜାର 572 ଲୋକ ପ୍ରଥମ ଡୋଜ ନେଇଛନ୍ତି ଏବଂ 46 ଲକ୍ଷ 34 ହଜାର 242 ଦ୍ବିତୀୟ ଡୋଜ ନେଇସାରିଲେଣି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
