ଖୋର୍ଦ୍ଧା: ବାଘମାରି ଥାନାରେ ଘରୋଇ ଗଣମାଧ୍ୟମ ସଂସ୍ଥାର ଦୁଇ ଜଣ କର୍ମଚାରୀଙ୍କୁ ଗିରଫ କରିଛି ବାଘମାରି ପୋଲିସ । ସେମାନେ ହେଲେ ଇଞ୍ଜିନିୟର ଦୀନବନ୍ଧୁ ସାମନ୍ତ ଓ ସୁପରଭାଇଜର ବିଶ୍ବଜିତ ରାଉତରାୟ । ଏମାନେ ଠିକା କର୍ମଚାରୀଙ୍କୁ ଜାତିଆଣ ଆକ୍ଷେପ କରି ଗାଳିଗୁଲଜ କରିବା ସହ କାମରୁ ବାହାର କରିଦେବା ଓ ହତ୍ୟା ଧମକ ଦେଇଥିବା ନେଇ ବାଘମାରୀ ଥାନାରେ ଏତଲା ଦେଇଥିଲେ ଠିକା କର୍ମଚାରୀ ।
ଶ୍ରମିକଙ୍କୁ ଗାଳି ଓ ଜାତିଆଣ ଆକ୍ଷେପ ଅଭିଯୋଗରେ ଘରୋଇ ଗଣମାଧ୍ୟମର ଦୁଇ ଗିରଫ
ତେବେ ଶନିବାର ବାଘମାରୀ ଥାନାରେ ଅଭିଯୋଗ ପରେ ସେଠାରେ ଖୋର୍ଦ୍ଧା ଏସଡିପିଓ ପହଞ୍ଚି ତଦନ୍ତ କରିଥିଲେ । ପ୍ରଭାତ ମଲ୍ଲିକ ଓ କର୍ମଚାରୀଙ୍କ ଅଭିଯୋଗ କ୍ରମେ ଗିରଫ କରାଯାଇଛି । ଏନେଇ ସୁଚନା ଦେଇଛନ୍ତି ଖୋର୍ଦ୍ଧା ଏସପି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
