ଖୋର୍ଦ୍ଧା: ନିଜର ପରିବାର ସଂଖ୍ୟା ବଢାଇବା ପାଇଁ ହଜାର ହଜାର ମାଇଲ ଦୂର ଅତିକ୍ରମ କରି ଚିଲିକାକୁ ଉଡି ଆସୁଥିବା ବିଦେଶୀ ପକ୍ଷୀଙ୍କ ପାଇଁ ଏବେ କାଳ ପାଲଟିଛି ଚିଲିକା। କାରଣ ଏହି ବିଦେଶୀ ପକ୍ଷୀଙ୍କୁ ଶିକାର କରିବା ପାଇଁ ଶିକାରୀମାନେ ଅଭିନବ ଉପାୟ କରୁଛନ୍ତି। କିଏ କଇଁ ନାଡରେ ବିଷ ଦେଇ ତ କିଏ ଫାସ ପକାଇ ଏହି ବିଦେଶୀ ପକ୍ଷୀଙ୍କୁ ଶିକାର କରୁଛି ।
ସେହିପରି ରବିବାର ଖୋର୍ଦ୍ଧା ଜିଲ୍ଲା ଟାଙ୍ଗୀ ବନ୍ୟପ୍ରାଣୀ ବନାଞ୍ଚଳ ବିଭାଗ ନଇରୀ ଜେଟୀ ନିକଟରେ ଚଢାଉ କରି ୧୦ଟି ମୃତ ବିଦେଶାଗତ ପକ୍ଷୀଙ୍କ ମୃତଦେହ ଜବତ କରିବା ସହ ଶିକାରୀକୁ ଗିରଫ କରିଛି । ଗିରଫ ଶିକାରୀ ଜଣଙ୍କ ହେଲେ ପୁରୀ ଜିଲ୍ଲା କୃଷ୍ଣପ୍ରସାଦ ଥାନା ଶିପିଆ ଗାଁର ବାମଦେବ ପଲେଇ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
