କେନ୍ଦୁଝର: ମର୍ମନ୍ତୁଦ ସଡକ ଦୁର୍ଘଟଣା । ପରିବା ବୋଝେଇ ପିକଅପ ଗାଡିକୁ ପଛରୁ ପିଟିଲା ଲୁହା ବୋଝେଇ ଟ୍ରକ । ଘଟଣାସ୍ଥଳରେ ଦୁଇଜଣଙ୍କର ମୃତ୍ୟୁ ହୋଇଥିବା ବେଳେ ଜଣଙ୍କୁ ଗୁରୁତର ଅବସ୍ଥାରେ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ପରିବା ବୋଝେଇ ପିକଅପକୁ ପିଟିଲା ଟ୍ରକ; 2 ମୃତ
କେନ୍ଦୁଝର ଟାଉନ ଥାନା ଅନ୍ତର୍ଗତ ନେକଣ୍ଡାଘର ନିକଟରେ ରାତି ପ୍ରାୟ ୧.୩୦ରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁଇଟି ପରିବା ବୋଝେଇ ପିକପ ଗାଡି ବାଟରେ ଖରାପ ହେବାରୁ ଛିଡ଼ା ହୋଇ ସଜାଡୁ ଥିବା ସମୟରେ ପଛରୁ ଏକ ଆଇରନ ବୋଝେଇ ଟ୍ରକ ଧକ୍କା ଦେଇଥିଲା ।
ଦୁଇଟି ପିକପ ଗାଡି ଯାଜପୁର କୁଆଖିଆ ରୁ ପରିବା ନେଇ ରାଞ୍ଚି ଯାଉଥିବା ଜଣା ପଡିଥିବା ବେଳେ ମୃତକଙ୍କ ପରିଚୟ ମିଳି ପାରିନାହିଁ । ଘଟଣା ସ୍ଥଳରେ ଟାଉନ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
