ଆନନ୍ଦପୁର: ଆଜି ହେଉଛି ପବିତ୍ର ଶ୍ରାବଣ ମାସର ତୃତୀୟ ସୋମବାର । ଏଥିପାଇଁ ରାଜ୍ୟର ସବୁ ଶିବାଳୟମାନଙ୍କରେ କାଉଡିଆ ଭକ୍ତଙ୍କର ଭିଡ଼ ଲାଗିଥିବାବେଳେ ଏଥିରୁ ବାଦ ପଡିନି କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡର ପ୍ରସିଦ୍ଧ ଶୈବପୀଠ ଦେଓଗାଁସ୍ଥିତ ବାବା କୁଶଳେଶ୍ବର ମନ୍ଦିର ।
ଭିଡିଓ ସୌଜନ୍ୟ:ପ୍ରତିନିଧି, ଆନନ୍ଦପୁର
ଜିଲ୍ଲା ତଥା ଜିଲ୍ଲା ବାହାରୁ ଭକ୍ତମାନେ ବାବାଙ୍କୁ ଜଳାଭିଷେକ କରିବା ପାଇଁ ମନ୍ଦିରରେ ଭିଡ଼ ଜମାଇଛନ୍ତି । ବୋଲବମ ହର ହରବମ ଧ୍ବନିରେ ପ୍ରକମ୍ପିତ ହୋଇଛି ପୁରା ପରିବେଶ । ଏଥିପାଇଁ ଭୋର ୪ଟାରୁ କୁଶଳେଶ୍ବର ମନ୍ଦିରରେ ସ୍ବତନ୍ତ୍ର ନୀତିକାନ୍ତିରେ ପୂଜାର୍ଚ୍ଚନା ଆରମ୍ଭ ହୋଇଯାଇଥିଲା ।
ପରେ ମନ୍ଦିର ମଧ୍ୟକୁ ଭକ୍ତମାନଙ୍କୁ ଛଡ଼ାଯାଇଥିଲା । ଭିଡକୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି । ପାଖାପାଖି ୧୦ହଜାରରୁ ଊର୍ଦ୍ଧ୍ବ ଭକ୍ତ ଜଳାଭିଷେକ କରିଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
