କେନ୍ଦୁଝର: ପାଟଣା ଥାନା ଅନ୍ତର୍ଗତ ରାଞ୍ଚି ବିଜୟୱାଡା ଜାତୀୟ ରାଜପଥରେ ମର୍ମନ୍ତୁତ ସଡ଼କ ଦୁର୍ଘଟଣା । ପାଟଣାରୁ ଢେଙ୍କିକୋଟ ଆଡ଼କୁ ମୋଟର ସାଇକେଲ ଯୋଗେ ତିନି ଜଣ ଦୃତ ଗତିରେ ଯାଉଥିବାବେଳେ ବାଇକଟି ଭାରସାମ୍ୟ ହରାଇ ଏକ ଗଛରେ ପିଟି ହୋଇଥିଲା । ଫଳରେ ଘଟଣା ସ୍ଥଳରେ ଜଣକର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଜଣ ଗୁରୁତର ଭାବେ ଆହତ ହୋଇଥିବା ଜଣାପଡିଛି।
ଗଛରେ ପିଟି ହେଲା ବାଇକ: ଜଣେ ମୃତ ,ଦୁଇ ଗୁରୁତର
ଖବର ପାଇ ପାଟଣା ଅଗ୍ନିଶମ ବାହନୀ ଘଟଣାସ୍ଥଳରେ ପହଞ୍ଚି ମୃତ ଓ ଗୁରୁତରଙ୍କୁ ଉଦ୍ଧାର କରି ପାଟଣା ଡାକ୍ତର ଖାନାକୁ ଆଣିଥିଲେ । ଗୁରୁତର ମଧ୍ୟରୁ ଜଣେ ପାପୁସିଂ ଆରୁଆ ବୋଲି ଜଣା ପଡିଥିବା ବେଳେ ଅନ୍ୟଜଣକ ଧର୍ମଶାଳା ଥାନା ଅନ୍ତର୍ଗତ ଗାଡିଆ ଅଞ୍ଚଳରୁ ବୋଲି ଜଣାପଡିଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।
କେନ୍ଦୁଝରରୁ ସନ୍ତାେଷ କୁମାର ମହାପାତ୍ର, ଇଟିଭି ଭାରତ
