କେନ୍ଦୁଝର: ବହୁ ପ୍ରତୀକ୍ଷିତ 'ମୁଁ କେନ୍ଦୁଝର' ଟେଲିଫିଲ୍ମକୁ ଦେଖିବାକୁ ପାଇବେ ଦର୍ଶକ । ଏନେଇ ଆଜି (ଶୁକ୍ରବାର) କେନ୍ଦୁଝରର ସିଦ୍ଧମଠ ସ୍ଥିତ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଶୁଭ ମହୁରତ ଅନୁଷ୍ଠିତ ହୋଇଯାଇଛି ।
ସଂସ୍କୃତିର ମୂକସାକ୍ଷୀ ହେବ 'ମୁଁ କେନ୍ଦୁଝର' ଟେଲିଫିଲ୍ମ
ତେବେ ଏହି ଫିଲ୍ମଟି କେନ୍ଦୁଝରରୁ କିପରି କେଉଁଝର ନାମିତ ହେଲା ସେହି ବିଷୟ ବସ୍ତୁ ଉପରେ ଏହି ଆର୍ଟ ଟେଲି ଫିଲ୍ମ ନିର୍ମାଣ ହେବ ।
ସେପଟେ ଦର୍ଶକଙ୍କ ସୁବିଧା ପାଇଁ ଏହାକୁ ୪୫ ମିନିଟ ମଧ୍ୟରେ ରଖାଯାଇଥିବା ବେଳେ ଏଥିରେ କେନ୍ଦୁଝର ଜିଲ୍ଲାର କଳା, ସଂସ୍କୃତିର ଝଲକ ଦର୍ଶକଙ୍କୁ ଦେଖିବାକୁ ମିଳିବ । ସେହିପରି ଜିଲ୍ଲାରେ ଟେଲିଫିଲ୍ମ ପ୍ରଥମ ଥର ପାଇଁ ନିର୍ମାଣ ହେଉଥିବା ବେଳେ ଯୁବବର୍ଗଙ୍କ ପାଇଁ ଏହା ଏକ ମାର୍ଗଦର୍ଶନ ହେବ ବୋଲି ଟେଲିଫିଲ୍ମ ନିର୍ଦ୍ଦେଶକ ଓ କାହାଣୀ ରଚନା କରିଥିବା ଅର୍ପଣ ମିଶ୍ର ସୂଚନା ଦେଇଛନ୍ତି ।
ତେବେ ଏହି ଶୁଭ ମହୁରତ କାର୍ଯ୍ୟକ୍ରମ ଅବସରରେ ସଂଳାପକ, ଚିତ୍ରୋଉତ୍ତୋଳକ, ଫିଲ୍ମର ସହଯୋଗୀମାନେ ଉପସ୍ଥିତ ଥିଲେ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
