କେନ୍ଦୁଝର: ସରକାରଙ୍କ ୨୧ ଦିନିଆ ଟୋଲ ପ୍ଳାଜାରେ ଟୋଲ ଆଦାୟ ବନ୍ଦ କାର୍ଯ୍ୟକାରୀ ହେଉନାହିଁ । ଗତକାଲି କୋଭିଡ଼ ୧୯କୁ ନଜରରେ ରଖି କେନ୍ଦ୍ର ପରିବହନ ମନ୍ତ୍ରୀ ନୀତିନ ଗଡ଼କରି ଟୋଲ ଆଦାୟ ହେବ ନାହିଁ ବୋଲି ଘୋଷଣା କରିଛନ୍ତି । ଏହା ପରେ ମଧ୍ୟ ଏହି ଆଦେଶ ପାଳନ ହେଉନାହିଁ ଟୋଲ ପ୍ଳାଜା ଗୁଡିକରେ ।
ଲକଡାଉନ ସତ୍ତ୍ବେ ଆଦାୟ ହେଉଛି ଟୋଲ ଫି
ମହାମାରୀ କୋରୋନାକୁ ନେଇ ସାରା ଭାରତରେ ଆତଙ୍କ ଖେଳିଯାଇଛି । ଭାରତ ସରାକାର ଗତକାଲି ରାତ୍ରରୁ ଲକ ଡାଉନ ଘୋଷଣା କରିଛନ୍ତି । ଏହାର ନମୁନା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ବନାଯୋଡି ଟୋଲ ପ୍ଳାଜାରେ । ସକାଳୁ ଏହି ଟୋଲ ପ୍ଳାଜା ଦେଇ ଯାଉଥିବା ସମସ୍ତ ଯାନ ବାହାନ ଗୁଡିକରୁ ଟୋଲ ଆଦାୟ ଜାରି ରହିଛି । ଏ ସଂକ୍ରାନ୍ତରେ ଆମେ ସେଠାରେ ଉପସ୍ଥିତ ଥିବା କର୍ମଚାରୀଙ୍କୁ ପଚାରିବାରୁ ଏନେଇ କୌଣସି ନିର୍ଦ୍ଦେଶ ଆସିନଥିବା କହିଛନ୍ତି । ଏନେଇ କିଛି ଗାଡି ଚାଳକମାନେ ଟୋଲ ଦେଇଥିବା ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
