ଆନନ୍ଦପୁର: ଜୀବନକୁ ବାଜି ଲଗାଇ ଦେଶ ମାତୃକାର ସେବା କରିଥିବା କୋବ୍ରା ଯବାନଙ୍କୁ ପ୍ରଦାନ କରାଯାଇଛି ସୌର୍ଯ୍ୟ ସମ୍ମାନ । କେନ୍ଦ୍ରୀୟ ସୁରକ୍ଷାବଳ ସୌର୍ଯ୍ୟଦିବସ ପାଳନ ଅବସରରେ 15 ଜଣ କୋବ୍ରା ଯବାନଙ୍କୁ ଏହି ସୌର୍ଯ୍ୟ ସମ୍ମାନ ପ୍ରଦାନ କରାଯାଇଛି ।
ସୌର୍ଯ୍ୟଦିବସରେ ଯବାନଙ୍କୁ ସମ୍ମାନ
ଆଜି(ରବିବାର) ନୂଆଦିଲ୍ଲୀ ସ୍ଥିତ ସିଆରପିଏଫ ସେଣ୍ଟ୍ରାଲ ହଲ ଠାରେ ଆୟୋଜିତ ସମାରୋହରେ ଯବାନଙ୍କୁ ପୁରସ୍କୃତ କରାଯାଇଛି । ସେଥିମଧ୍ୟରୁ ଓଡ଼ିଶାର ଅମରେଶ ଜେନା ସମ୍ମାନିତ ହୋଇଛନ୍ତି ।
ସମ୍ମାନିତ ସିଆରଏଫ ଯବାନଙ୍କ ଘର କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅନ୍ତର୍ଗତ ସୁଆଁଳା ଗ୍ରାମର ବୋଲି ଜଣାପଡ଼ିଛି । ସେ ଛତିଶଗଡ ବିଜାପୁରର ପଦମପେଟାରେ ୨୦୪ କୋବ୍ରା ବାହିନୀରେ କାର୍ଯ୍ୟରତ ଥାଇ ମାଓ ମୁକାବିଲାରେ ପ୍ରମୁଖ ଭୂମିକା ନିଭାଇଥିଲେ ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
