କେନ୍ଦ୍ରାପଡ଼ା: ଜିଲ୍ଲା ରାଜନଗର ନଳିତାପାଟିଆ ଜେଠିରୁ ନଦୀକୁ ଡେଇଁ ନିଖୋଜ ହେଲେ ଯୁବକ । କେଉଁ କାରଣରୁ ଯୁବକ ଜଣକ ନଦୀକୁ ଡେଇଁଛନ୍ତି ତାହା ଅସ୍ପଷ୍ଟ ରହିଛି । ଯୁବକଙ୍କ ଘର ତାଳଚୁଆ ଭେକ୍ଟା ଅଞ୍ଚଳରେ । ଭେକ୍ଟା ଅଞ୍ଚଳର ଅମଳେନ୍ଦୁ ଗିରି ନଦୀକୁ ଡେଇଁ ପଡ଼ିଥିବା ଜଣାପଡ଼ିଛି । ପରିବାର ଲୋକଙ୍କ ସହ ସ୍ଥାନୀୟ ଲୋକେ ନଦୀରୁ ଯୁବକଙ୍କ ସନ୍ଧାନ ଜାରି ରଖିଛନ୍ତି ।
ନଦୀକୁ ଡେଇଁ ଯୁବକ ନିଖୋଜ, କାରଣ ଅସ୍ପଷ୍ଟ
ଯୁବକ ଅମଳେନ୍ଦୁ ତାଙ୍କ ବାପାଙ୍କ ସହ କଟକ ମେଡିକାଲ ଯାଇଥିଲେ । ଫେରିବା ବାଟରେ ନଳିତାପାଟିଆ ଜେଠି ନିକଟରେ ବାପପୁଅ ଦୁଇଜଣ ବସରୁ ଓହ୍ଲାଇଥିଲେ । ଏହାପରେ ନଦୀପଠାରେ ନିଜର ଡ୍ରେସ ରଖିଦେଇ ପୁଅ ନଦୀକୁ ଡେଇଁ ପଡିଥିବା ସୂଚନା ଦେଇଛନ୍ତି ଅମଳେନ୍ଦୁଙ୍କ ବାପା ।
ଏହାକୁ ନେଇ ପରିବାରରେ ଲୋକ ଚିନ୍ତାରେ ରହିଛନ୍ତି । ସେପଟେ ପୋଲିସ କେଉଁ କାରଣରୁ ଯୁବକ ଜଣକ ଏଭଳି ଚରମ ପଦକ୍ଷେପ ନେଲେ ତାହାର ତଦନ୍ତ ଜାରି ରଖିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
