କେନ୍ଦ୍ରାପଡା: କେନ୍ଦ୍ରାପଡ଼ା ରାଜକନିକା ଥାନା ଅଧିନ ପେଗରପଡା ଚଡେଇଖିଆ ନାଳ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ବାଇକ୍କୁ ଅଜଣା ଗାଡି ଧକ୍କା ଦେବା ଫଳରେ ଘଟଣା ସ୍ଥଳରେ ଦୁଇ ଜଣ ସାଙ୍ଗଙ୍କର ମୃତ୍ୟୁ ହୋଇଛି । ସେହିପରି ଅନ୍ୟ ଜଣେ ସାଙ୍ଗ ଗୁରୁତର ଆହାତ ହୋଇଥିବାରୁ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ, ଆଜି ସକାଳେ କେନ୍ଦ୍ରାପଡ଼ା ରାଜକନିକା ଥାନା ଅଧୀନ ପେଗରପଡା ଚଡେଇଖିଆ ନାଳ ନିକଟରେ ତିନିଜଣ ସାଙ୍ଗ ବାଇକ ଯୋଗେ ଗାଁକୁ ଫେରୁଥିଲେ । ସେତିକି ବେଳେ ଏକ ଅଜଣା ଗାଡି ଏମାନଙ୍କ ବାଇକକୁ ଧକ୍କା ଦେଇଥିଲା । ତେବେ ଏହି ଭୟଙ୍କର ଦୁର୍ଘଟଣାରେ ପେଗରପଡାର ଦୋଳଗୋବିନ୍ଦ ସାହୁ ଓ କୌଶିକ ପଣ୍ଡା ମୃତ୍ୟୁବରଣ କରିଥିବା ବେଳେ ଗୁରିଆ ସାହୁ ନାମକ ଯୁବକ ଗୁରୁତର ଅବସ୍ଥାରେ କଟକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି । ତେବେ ଏନେଇ ରାଜକନିକା ପୋଲିସ ଦୁର୍ଘଟଣା ସ୍ଥାନରେ ପହଞ୍ଚି ତଦନ୍ତ ଆରମ୍ଭ କରିଛି । ଏଥିସହ ଦୁଇ ମୃତଦେହକୁ ବ୍ୟବଚ୍ଛେଦ ପାଇଁ ଆଳି ଡାକ୍ତରଖାନାକୁ ପଠାଇଥିବା ସୂଚନା ମିଳିଛି । ତେବେ ସକାଳୁ ସକାଳୁ ଏଭଳି ମୃତ୍ୟୁର ଖବର ଜଣାପଡ଼ିବା ପରେ ସମଗ୍ର ଅଞ୍ଚଳରେ ଶୋକର ବାତାବରଣ ସୃଷ୍ଟି ହୋଇଛି ।
ଇଟିଭି ଭାରତ, କେନ୍ଦ୍ରାପଡ଼ା
