କେନ୍ଦ୍ରାପଡା: ମହାକାଳପଡା ଥାନା ଅଧିନ ଅମିରାବାଦ ଗାଁରେ ଅଘଟଣ। ଜଣେ 4 ବର୍ଷର ଶିଶୁ କନ୍ୟାର ସନ୍ଦେହଜନକ ମୃତ୍ୟୁ ଘଟିଛି । ଯାହାକୁ ନେଇ ଏବେ ପରିବାର ସହ ପୂରା ଗାଁରେ ଶୋକାକୁଳ ପରିବେଶ ଖେଳିଯାଇଛି ।
ଶିଶୁକନ୍ୟାର ସନ୍ଦେହଜନକ ମୃତ୍ୟୁ
ସୂଚନା ଅନୁସାରେ, ଆଜି(ରବିବାର) ସକାଳ ୯ ଟାରେ ଦୈତାରୀ ବେହେରାଙ୍କ ୪ ବର୍ଷର ଝିଅ ମଧୁସ୍ମିତା ଘରେ ଖେଳୁଥିଲା । ଏହି ସମୟରେ ତାଙ୍କ ପତ୍ନୀ ମଧୁସ୍ମିତାକୁ ଘରେ ଛାଡି ନଦୀକୁ ଗାଧୋଇବାକୁ ଯାଇଥିଲେ। ମାତ୍ର ଫେରିବା ପରେ ମଧୁସ୍ମିତାକୁ ଘରେ ପାଇ ନଥିଲେ। ଆଖପାଖ ପଡୋଶୀଙ୍କ ଘରେ ଖୋଜାଖୋଜି କରିଥିଲେ ମଧ୍ୟ ମଧୁସ୍ମିତା ମିଳି ନଥିଲା । ପରେ ବହୁ ଖୋଜାଖୋଜି କରିବା ପରେ ଘର ନିକଟ ଚାଷଜମିରେ ମଧୁସ୍ମିତାର ମୃତଦେହ ମିଳିଥିଲା।
ମଧୁସ୍ମିତାକୁ ବିଲରୁ ଉଦ୍ଧାର କରି ଘରକୁ ଆଣିଥିଲେ ବି, ସେତେବେଳକୁ ମଧୁସ୍ମିତାର ମୃତ୍ୟୁ ଘଟିସାରିଛି। କେହି ତାକୁ ମାରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ମହାକାଳପଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ
