କେନ୍ଦ୍ରାପଡା : ରାଜ୍ୟର ସରକାରୀ ସ୍କୁଲକୁ ନେଇ ଗତ କିଛିବର୍ଷ ହେଲା ଅନେକ ପ୍ରଶ୍ନ ଉଠିଛି । କେତେବେଳେ ସ୍କୁଲ ଗୃହ ନାହିଁ ତ କେଉଁଠି ଶିକ୍ଷକ ନାହାଁନ୍ତି । ପୁଣି ଆଉ କେଉଁଠି ଖୋଲା ଆକାଶ ତଳେ ଚାଲିଛି ପାଠ ପଢା । ଏହି ସବୁ ସମସ୍ୟାର ସମାଧାନ କରିବା ପରିବର୍ତ୍ତି ହଜାରେ ସ୍କୁଲକୁ ବନ୍ଦ କରିଦେଇଛନ୍ତି ସରକାର । ତେବେ ଗତ କିଛି ଦିନ ତଳେ ଜଣେ ବ୍ୟକ୍ତି ଗୋଟିଏ ସରକାରୀ ସ୍କୁଲର ପ୍ରକୃତ ଭିତ୍ତିଭୂମିକୁ ସାମାଜିକ ଗଣମାଧ୍ୟମରେ ସର୍ବସମ୍ମୁଖକୁ ଆଣିଥିଲେ । ଯେଉଁଥିରେ ଛାତ୍ରଛାତ୍ରୀ ଏକ ସଙ୍କୀର୍ଣ୍ଣ ବଣ ଜଙ୍ଗଲରେ ସ୍କୁଲ ଯାଉଥିବାର ଦେଖିବାକୁ ମିଳିଥିଲା ।
ଗତ ସ୍ବାଧୀନତା ଦିବସରେ ଜଣେ ବ୍ୟକ୍ତି ପିଲାଙ୍କ ଏଭଳି ବିପଦପୂର୍ଣ୍ଣ ଯାତାୟତକୁ ନେଇ ସାମାଜିକ ଗଣମାଧ୍ୟମରେ ଦେଖାଇଥିଲେ । ଯେଉଁଥିରୁ ସ୍ପଷ୍ଟ ହୋଇଥିଲା ରଘୁଦେଇପୁର ଓ ଲକ୍ଷ୍ମୀନାରାୟଣପୁର ପଞ୍ଚାୟତର ସୀମାରେ ଥିବା ବିଦ୍ୟାଳୟ ପ୍ରତି ସରକାରଙ୍କ ଥିବା ଆନ୍ତରିକତା ।
ସେପଟେ ଘଟଣା ବିଷୟରେ ସ୍ଥାନୀୟ ବିଡିଓ ଅବଗତ ହେବା ପରେ ଖୁବ ଶୀଘ୍ର ରସ୍ତା ନିର୍ମାଣ ସହ ସ୍କୁଲରେ ଶୌଚାଳୟର ବ୍ୟବସ୍ଥା କରାଯିବ ବୋଲି କହିଛନ୍ତି ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
