କେନ୍ଦ୍ରାପଡ଼ା: ପଟ୍ଟାମୁଣ୍ଡାଇରେ କ୍ରୀଡ଼ାବିତ ମାନଙ୍କ ପାଇଁ ଏକ ଇନଡୋର ଷ୍ଟାଡିୟମ କରିବା ପାଇଁ ମୁଖ୍ୟମନ୍ତ୍ରୀଙ୍କୁ ଭର୍ଚୁଆଲ ବୈଠକରେ ଦାବି ଜଣାଇଛନ୍ତି ରାଜନଗର ବିଧାୟକ,କ୍ରୀଡ଼ାବିତ ଏବଂ ବୁଦ୍ଧିଜୀବୀ । ଜିଲ୍ଲାପାଳଙ୍କ ଗୃହରେ ହୋଇଥିବା ଏହି ଭର୍ଚୁଆଲ ବୈଠକରେ କେନ୍ଦ୍ରାପଡ଼ା ଜିଲ୍ଲାରେ ବହୁ କ୍ରୀଡା ପ୍ରତିଭା ରହିଛନ୍ତି କିନ୍ତୁ ପ୍ରୋତ୍ସାହନ ଓ କ୍ରୀଡା ପାଇଁ ଅନୁକୂଳ ପରିବେଶ ଅଭାବରୁ ଭଲ କ୍ରୀଡ଼ାବିତ ବାହାରି ପାରୁନଥିବା ନେଇ କହିଥିଲେ କ୍ରୀଡ଼ାବିତ।
ପଟ୍ଟାମୁଣ୍ଡାଇ ଅଞ୍ଚଳ ସହ ଜିଲ୍ଲାର ସମସ୍ତ କୋଣ ଅନୁକୋଣ ଯୋଡି ହୋଇ ରହିଥିବାରୁ ଏଠାରେ ଇନଡୋର ଷ୍ଟାଡିୟମ ପ୍ରତିଷ୍ଠା କଲେ କ୍ରୀଡା ଓ କ୍ରୀଡ଼ାବିତ ମାନଙ୍କ ଉନ୍ନତି ହେବ । ଏଥି ସହ ବହୁ ଜାତୀୟ ଓ ଅନ୍ତର୍ଜାତୀୟ ଖେଳାଳି ଏଠାରୁ ବାହାରି ରାଜ୍ୟ ଓ ଦେଶର ନାଁ ରଖିପାରିବେ ବୋଲି ମୁଖ୍ୟମନ୍ତ୍ରୀଙ୍କୁ ଦିଆଯାଇଥିବା ଦାବିରେ ଉପସ୍ଥାପିତ କରାଯାଇଥିଲା ।
କେନ୍ଦ୍ରାପଡ଼ା ଜିଲ୍ଲାରେ ବେସବଲ କ୍ରୀଡା ପାଇଁ କୌଣସି ସରଞ୍ଜାମ ଓ ପରିବେଶ ନଥିବା କାରଣରୁ ଏହି ଖେଳ ପ୍ରତି କେହି ଆଗ୍ରହ ଦେଖାଉନଥିବା କହିଛନ୍ତି ଜଣେ କ୍ରୀଡ଼ାବିତ। ତେବେ ମୁଖ୍ୟମନ୍ତ୍ରୀ ଭର୍ଚୁଆଲ ବୈଠକରେ କ୍ରୀଡ଼ାବିତ,ବୁଦ୍ଧିଜୀବୀ ଓ ରାଜନଗର ବିଧାୟକଙ୍କୁ ପଟ୍ଟାମୁଣ୍ଡାଇ ସହରରେ ଇନଡୋର ଷ୍ଟାଡିୟମ ପ୍ରତିଷ୍ଠା କରିବା ନେଇ ପ୍ରତିଶୃତି ଦେଇଥିବା ଗଣମାଧ୍ୟମକୁ ସୂଚନା ଦେଇଛନ୍ତି ବିଧାୟକ ।
କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି, ଇଟିଭି ଭାରତ
