ଫୁଲବାଣୀ: କନ୍ଧମାଳ ଜିଲ୍ଲାରେ ତିନି ଦଫା ଦାବି ନେଇ ଅରମ୍ଭ ହୋଇଛି ଦସ୍ତଖତ ଅଭିଯାନ । ଜିଲ୍ଲାରେ ସରକାରୀ ମେଡିକାଲ କଲେଜ ,ରେଳ ସଂଯୋଗୀକରଣ ଓ ଜିଲ୍ଲାର ସମସ୍ତଙ୍କୁ ଜମିପଟ୍ଟା ପ୍ରଦାନ କରିବା ଦାବିରେ ଆରମ୍ଭ ହୋଇଛି ଦସ୍ତଖତ ଅଭିଯାନ ।
ଭିଡିଓ ସୌଜନ୍ୟ : ସମ୍ବାଦଦାତା,କନ୍ଧମାଳ
କନ୍ଧମାଳ ପିପୁଲସ ଫୋରମ (କେପିଏଫ) ପକ୍ଷରୁ ଆରମ୍ଭ ହୋଇଛି ଏକ ଦସ୍ତଖତ ଅଭିଯାନ । ଜିଲ୍ଲାରେ ମେଡିକାଲ କଲେଜ, ରେଳ ଯୋଗାଯୋଗ ଓ ଜିଲ୍ଲାର ସମସ୍ତଙ୍କୁ ଜମି ପଟ୍ଟା ପ୍ରଦାନ କରିବା ପାଇଁ ଦସ୍ତଖତ ଅଭିଯାନ କରାଯାଇଛି । ସଂଗଠନ ତରଫରୁ ଲୋକଙ୍କୁ ପ୍ରଚାର ପତ୍ର ମାଧ୍ୟମରେ ସଚେତନ କରାଯାଉଛି । ପୋଷ୍ଟକାର୍ଡ ଦ୍ବାରା ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଜିଲ୍ଲାରୁ ଦାବିପତ୍ର ପଠାଯିବ । ଗଣତାନ୍ତ୍ରିକ ଉପାୟରେ ଦାବି ହାସଲ ପାଇଁ ଜୋରଦାର ଆନ୍ଦୋଳନ କରାଯିବ ବୋଲି ସଂଗଠନ ପକ୍ଷରୁ କୁହାଯାଇଛି । ଦିନକୁ ଦିନ କନ୍ଧମାଳ ଜିଲ୍ଳାରେ ମେଡିକାଲ କଲେଜ ସ୍ଥାପନ ପାଇଁ ଅଧିକରୁ ଅଧିକ ସଂଗଠନ ଓ ଜନ ଆନ୍ଦୋଳନ ମୁଣ୍ଡ ଟେକୁଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
