ଫୁଲବାଣୀ: ପୋଲିସ-ମାଓବାଦୀଙ୍କ ମଧ୍ୟରେ ଗୁଳିବିନିମୟ । କନ୍ଧମାଳ ଜିଲ୍ଲା ଗୋଚ୍ଛାପଡା ଥାନା ଅନ୍ତର୍ଗତ ବିରେଣି ଗାଁ ନିକଟସ୍ଥ ଜଙ୍ଗଲରେ ପୋଲିସ ମାଓବାଦୀ ମୁହାଁମୁହିଁ ହୋଇଛନ୍ତି । ଉଭୟ ପକ୍ଷରୁ ଫୁଟିଛି ଗୁଳି। ପରେ ସର୍ଚ୍ଚ ଅପରେସନବେଳେ ଅସ୍ତ୍ରଶସ୍ତ୍ର ଓ ମାଓ ସାମଗ୍ରୀ ଜବତ କରାଯାଇଥିବା ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି ଏସପି ଭିନିତ୍ ଅଗ୍ରୱାଲ ।
ଏହି ସାମ୍ବାଦିକ ସମ୍ମିଳନୀ ଫୁଲବାଣୀ ଜିଲ୍ଲା ପୋଲିସ ଅଫିସ ଠାରେ ହୋଇଥିଲା । ଗତ ଡିସେମ୍ବର 17 ତାରିଖ ରାତିରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏହି ସମୟରେ ଗ୍ରେନେଡ ମାଡ଼ କରିଥିଲେ ମାଓବାଦୀ ।
ଏହି ଗୁଳିବିନିମୟ ସମୟରେ କେକେବିଏନ ଡ଼ିଭିଜନ କମାଣ୍ଡର ଦଶ୍ରୁ ସହିତ ଥିବା ପ୍ରାୟ ୧୫ ମାଓବାଦୀ ଖସି ଯିବାରେ ସକ୍ଷମ ହୋଇଛନ୍ତି । ପୋଲିସ ୨ଟି ବନ୍ଧୁକ ଓ ଅନ୍ୟାନ୍ୟ ସାମଗ୍ରୀ ଜବତ କରିଛି। ଜଣେ ମିଲିସିଆକୁ ଅଟକ ରଖି ପଚରାଉଚରା କରୁଛି ପୋଲିସ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
