କନ୍ଧମାଳ: ତିନି ବର୍ଷର କୁନି ଝିଅ ସହ ଦୁଷ୍କର୍ମ ଉଦ୍ୟମ ଅଭିଯୋଗ । କନ୍ଧମାଳ ଜିଲ୍ଲା ଘୁ.ଉଦୟଗିରି ଥାନା ଅନ୍ତର୍ଗତ କଳିଙ୍ଗିଆ ଗାଁରେ ଘଟିଛି ଏହି ଲଜ୍ଜାଜନକ ଘଟଣା । ଏହି ଘଟଣାରେ ଅଭିଯୁକ୍ତକୁ ପୋଲିସ ଅଟକ ରଖି ଡାକ୍ତରୀ ମାଇନା ପାଇଁ ମେଡିକାଲ ନେଇଥିବା ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ଅଭିଯୁକ୍ତ ଜଣକ ତିନି ବର୍ଷର ଝିଅକୁ ଚକୋଲେଟ ଲୋଭ ଦେଖାଇ ଅପହରଣ କରିଥିଲା । ପରେ ନିକଟସ୍ଥ ଏକ ବଗିଚାକୁ ନେଇ ଦୁଷ୍କର୍ମ କରିଥିଲା । ଅଭିଯୁକ୍ତ ଜଣକ ହେଲେ 54 ବର୍ଷୀୟ ପ୍ରଶ୍ନ କୁମାର ଦିଗାଲ । ତାଙ୍କର 8ଟି ସନ୍ତାନ ଥିବାବେଳେ ଦୁଇଜଣ ପତ୍ନୀ ରହିଛନ୍ତି ।
ଏନେଇ ଥାନାରେ ମାମଲା ରୁଜୁ କରିବା ପରେ ଏସଆଇ ରଞ୍ଜିତ ମୁନୀ ମାମଲାର ତଦନ୍ତ କରୁଛନ୍ତି । ଅନ୍ୟପଟେ ଦୁଷ୍କର୍ମର ଶିକାର ହୋଇଥିବା ତିନି ବର୍ଷର ଝିଅକୁ ଜିଲ୍ଲା ଶିଶୁ କଲ୍ୟାଣ କମିଟିରେ ହାଜର କରାଯିବ ବୋଲି ଜଣାପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
