ଫୁଲବାଣୀ: ଆଗକୁ ପଞ୍ଚାୟତ ନିର୍ବାଚନ, ଏବେ ଠାରୁ ଗାଁ ଗାଁରେ ପଞ୍ଚାୟତ ନିର୍ବାଚନ ପାଇଁ ଅଙ୍କକସା ଜୋର ଧରିଲାଣୀ । ପ୍ରାର୍ଥୀ ହେବା ପାଇଁ ଆଶାୟୀଙ୍କ ସଜବାଜ ଚାଲିଛି । ହେଲେ ଏଥିରେ ବ୍ୟଥିତ ହୋଇ କିଛି ବିରୋଧି ମୁଳୂ ମାରିଲେ ଯିବ ସରି ନ୍ୟାୟରେ ଭୋଟର ତାଲିକାରୁ ନାଁ କାଟି ଦେଉଛନ୍ତି । ଏଭଳି ଏକ ସମ୍ବେଦନଶୀଳ ଘଟଣା କନ୍ଧମାଳ ଜିଲା ଫିରିଙ୍ଗିଆ ବ୍ଲକ କେଳାପଡା ପଞ୍ଚାୟତରେ ଦେଖିବାକୁ ମିଳିଛି । ଆଶାୟୀଙ୍କ ନାମ ଭୋଟର ତାଲିକାରୁ ବାଦ୍ ଦିଆ ଯାଇଥିବାରୁ ସେ ଆସି ଜିଲାପାଳ,ଉପ ଜିଲାପାଳଙ୍କ ପାଖରେ ସମ୍ପୃକ୍ତ ବିଏଲ୍ଓଙ୍କ ନାମରେ ଅଭିଯୋଗ କରିଛନ୍ତି ।
ସୂଚନା ଅନୁଯାୟୀ କେଳାପଡା ପଞ୍ଚାୟତ କେଳାପଡା ଗ୍ରାମ ୩ ନଂ ୱାର୍ଡର ସଂଜୟ ପ୍ରଧାନଙ୍କ ସ୍ତ୍ରୀ ଯଶୋଦା ମାଝୀ । ପ୍ରତ୍ୟେକ ନିର୍ବାଚନରେ ନିଜ ମତ ସାବ୍ୟସ୍ତ କରି ଆସୁଥିଲେ । ଏବେ ପଂଚାୟତ ନିର୍ବାଚନ ସମୟ । ନିର୍ବାଚନରେ ଯଶୋଦା ପ୍ରାର୍ଥୀ ହେବା ପାଇଁ ପ୍ରସ୍ତୁତ ହେଉଥିଲେ । ଏଥିପାଇଁ ସମସ୍ତ କାଗଜପତ ଠିକ୍ ବି କରି ସାରିଥିଲେ । ହେଲେ ଶେଷରେ ଜାଣିବାକୁ ପାଇଲେ ତାଙ୍କର ଭୋଟର ଲିଷ୍ଟରେ ନାଁ ନାହିଁ । ଏ ସମ୍ପର୍କରେ ଯଶୋଦା କୁହନ୍ତି ତାଲିକାରୁ ମୋ ନାମକୁ ବାଦ ଦିଆଯାଇଛି । କେଳାପଡ଼ା ଦାୟିତ୍ୱରେ ଥିବା ବି.ଏଲ୍.ଓ ପ୍ରଫୁଲ୍ଲ ମଲ୍ଲିକ ଉଦ୍ଧେଶ୍ୟ ମୂଳକ ଭାବରେ ଭୋଟ ତାଲିକାରୁ ଜାଣିସୁଣି ମୋ ନାଁକୁ ବାଦ ଦେଇଛନ୍ତି । ଏହା ଦ୍ୱାରା ମୋର ସାମ୍ବିଧାନିକ ଅଧିକାର କ୍ଷୁର୍ଣ୍ଣ ହୋଇଛି ।
ନିର୍ବାଚନ ଅଧିକାରୀଙ୍କ ନିୟମ ଅନୁସାରେ ଭୋଟର ତାଲିକାରୁ ୭ନଂ ଫର୍ମରେ ପୁରଣ ସହ ମୋର ସ୍ୱୀକୃତି ଅନୁସାରେ ବାଦ ଦେବାକଥା । କିନ୍ତୁ କିଭଳି ଭାବରେ ମୋର ଅଜାଣତରେ ନାମ ଭୋଟର ତାଲିକାରୁ ବାଦ ପଡ଼ିଲା ତାହାର ତଦନ୍ତ କରିବାକୁ ଜିଲାପାଳଙ୍କୁ ଲିଖିତ ଭାବେ ଜଣାଇଛି ବୋଲି କହିଛନ୍ତି । ଏ ନେଇ ବିଏଲ୍ଓଙ୍କ ମତାମତ ନେବାରେ ସେ କହିଥିଲେ ଯେ ହେତୁ ସେ ଅନ୍ୟ ଓ୍ବାଡ଼ରେ ବିବାହିତ କରିଛନ୍ତି ସେଥି ପାଇଁ ନାମ କାଟି ଦିଆଯାଇଛି । କିନ୍ତୁ ଯଶୋଦା କହିଛନ୍ତି ମୋର ବାପ ଘର ଓ ଶାଶୁଘର ଗୋଟିଏ ଗ୍ରାମରେ ହେଇଥିଲେ ସୁଧା ମୋ ନ ଜଣାଇ କିପରି ବି.ଏଲ.ଓ ମୋ ନାମ ଭୋଟ ତାଲିକାରୁ କାଟିଦେଲେ ।
କନ୍ଧମାଳରୁ ସଞ୍ଜୟ ପାତ୍ର,ଇଟିଭି ଭାରତ
