ଫୁଲବାଣୀ: କନ୍ଧମାଳ ଜିଲ୍ଲାରେ ଜନୈକ ନାବାଳିକାକୁ ଅପହରଣ ଓ ଦୁଷ୍କର୍ମ ମାମଲାର ଦୋଷୀକୁ ଦଶ ବର୍ଷ ଜେଲ ଦଣ୍ଡ । ଏନେଇ ଫୁଲବାଣୀ ସ୍ଵତନ୍ତ୍ର ପୋକ୍ସୋ କୋର୍ଟରେ ଶୁଣାଣି କରାଯାଇ ଅଦାଲତ ଦୋଷୀକୁ ଦଣ୍ଡ ଦେଇଛନ୍ତି ।
କନ୍ଧମାଳ ନାବାଳିକା ଦୁଷ୍କର୍ମ ମାମଲା, ଦୋଷୀକୁ 10 ବର୍ଷ ଜେଲ
ସୂଚନା ଅନୁଯାୟୀ ନାବାଳିକାଟି ଗାଁ ପାଖ ଅନ୍ୟ ଏକ ଗାଁକୁ ଭିଡିଓ ସୋ ଦେଖି ଫେରିବାବେଳେ ବାଟରୁ ଉଠାଇ ନେଇଥିଲା ଶଙ୍କର । ଜଙ୍ଗଲର ଏକ ଖାଲୁଆ ନାଲାରେ ୧୭. ୧. ୨୦୧୪ ରୁ କୋଡ଼ିଏ ତାରିଖ ପର୍ଯ୍ୟନ୍ତ ଅର୍ଥାତ ଦୀର୍ଘ 4 ଦିନ ଧରି ଦୁଷ୍କର୍ମ କରିଥିଲା । ପରେ ଧମକ ଦେଇ କାହାକୁ ନ କହିବା ପାଇଁ କହି ଛାଡି ଦେଇଥିଲା । ଏନେଇ ପୀଡିତା ଜଣକ ନିଜେ ଥାନାରେ ଏତଲା ଦେଇଥିଲେ । ମାମଲାରେ ଅଦାଲତ 6 ଜଣ ସାକ୍ଷୀଙ୍କ ଭିତ୍ତିକୁ ଆଦାର କରି ଦୋଷୀକୁ ଦଣ୍ଡ ଶୁଣାଇଛନ୍ତି । ତେବେ ସରକାରଙ୍କ ତରଫରୁ ଅସୀମ ପ୍ରହରାଜ ମାମଲା ପରିଚାଳନା କରିଥିବା ଜଣାପଡିଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
