ଫୁଲବାଣି : ପୂର୍ବତନ କନ୍ଧମାଳ ସାଂସଦ ତଥା ବିଜେଡ଼ି ନେତା ସୁଗ୍ରୀବ ସିଂଙ୍କ ବିୟୋଗ ଜିଲ୍ଲା ବିଜେଡ଼ି ତରଫରୁ ଶୋକ ବ୍ୟକ୍ତ କରାଯାଇଛି। ଫୁଲବାଣୀରେ ଆୟୋଜିତ ଜିଲ୍ଲାସ୍ତରୀୟ ଶୋକ ସଭାରେ ବିଜେଡ଼ି ନେତା ଓ କର୍ମୀ ଶ୍ରଦ୍ଧାଞ୍ଜଳି ଜଣାଇବା ସହ ମନ ପକାଇଛନ୍ତି ।
ଫୁଲବାଣୀ ବିଜୁ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ଶୋକସଭାରେ ଜିଲ୍ଲା ସଭାପତି ସରୋଜ କର୍ଣ୍ଣ ସୁଗିରୀବଙ୍କ ସ୍ମୃତି ଚାରଣ କରିବା ନିରବ ପ୍ରାର୍ଥନା ପାଇଁ ପ୍ରସ୍ତାବ ଦେଇଥିଲେ । ଦୁଇ ମିନିଟ ନିରବ ପ୍ରାର୍ଥନା ପରେ ବୟୋଜ୍ୟେଷ୍ଠ ନେତା ଅଶୋକ ବେହେରା ପ୍ରଥମେ ଶ୍ରଦ୍ଧାଞ୍ଜଳି ଦେଇଥିଲେ । ପରେ ଅନ୍ୟ ନେତାମାନେ ଶ୍ରଦ୍ଧାଞ୍ଜଳି ଦେଇଥିଲେ। ରାଜ୍ୟ ସଂଖ୍ୟା ଲଘୁ ସେଲ ସାଧାରଣ ସଂପାଦକ ମହମ୍ମଦ ୟାସିନ ବେଗ, ରାଜ୍ୟ କାର୍ଯ୍ୟକାରିଣୀ ସଭ୍ୟ ଶିବ ପ୍ରସାଦ ତ୍ରିପାଠୀ,ପ୍ରଦୀପ ମୁନି,ଭାଗବତ ବେହେରା ପ୍ରମୁଖ ବହୁ ନେତା ଓ କର୍ମୀ ଶ୍ରଦ୍ଧାଞ୍ଜଳି ଜଣାଇବା ସହ ସ୍ବର୍ଗତ ସୁଗ୍ରୀବ ସିଂହଙ୍କୁ ମନ ପକାଇଥିଲେ। ଭୁବନେଶ୍ବରର କିମ୍ସ ମେଡ଼ିକାଲରେ ଚିକିତ୍ସିତ ଅବସ୍ଥାରେ କୋରୋନାରେ ତାଙ୍କର ମୃତ୍ୟୁ ହୋଇଥିଲା ।
କନ୍ଧମାଳରୁ ସଦାଶିବ ପାତ୍ର , ଇଟିଭି ଭାରତ
