ଫୁଲବାଣୀ: ଜିଲ୍ଲା ଚକାପାଦ ଥାନା ଅନ୍ତର୍ଗତ ପାଡୁମାହା ଜଙ୍ଗଲରେ ପୋଲିସ ଓ ମାଓବାଦୀ ମଧ୍ୟରେ ଗୁଳିବିନିମୟ । କନ୍ଧମାଳ ଓ ଗଞ୍ଜାମ ଜିଲ୍ଲା ସୀମାନ୍ତ ଏହି ଅଞ୍ଚଳରେ ଏସଓଜି ଏବଂ ଡିବିଏଫ କୁମ୍ବିଂ କରୁଥିବାବେଳେ ନକ୍ସଲ ପକ୍ଷରୁ ଗୁଳିମାଡ଼ କରାଯାଇଛି ।
ଏନେଇ ଜିଲ୍ଲା ପୋଲିସ୍ କୌଣସି ସୂଚନା ଦେଇ ନଥିବାବେଳେ ମାତ୍ର 15 ଦିନ ପରେ ଜିଲ୍ଲାରେ ପୁଣି ଥରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ଆଜି(ଗୁରୁବାର) ଚକାପାଦ ଥାନା ଅଞ୍ଚଳରେ ଏହି ଗୁଳିବିନିମୟ ଘଟିଛି । ପରେ ଅତିରିକ୍ତ ଫୋର୍ସ ସେଠାକୁ ଯାଇ ଫୁଲବାଣୀରେ ଅପରେଶନ ତଦାରଖ କରୁଛି । ତେବେ ଶୁକ୍ରବାର ସର୍ଚ୍ଚ ଅପରେସନ ପରେ ଏବଂ ସମସ୍ତ ଫୋର୍ସ ଫେରିବା ପରେ ହିଁ ସୂଚନା ଦିଆଯିବ ବୋଲି ଜିଲ୍ଲା ପୋଲିସ ସୂଚନା ଦେଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
