ଫୁଲବାଣୀ: କନ୍ଧମାଳ ପୋଲିସକୁ ବଡ ସଫଳତା । ବିପୁଳ ପରିମାଣର ଗଞ୍ଜେଇ ରାଜ୍ୟ ବାହରକୁ ଚାଲାଣ ପାଇଁ ଯୋଜନା ଚାଲିଥିବାବେଳେ ପୋଲିସ ଚଢାଉ କରି 20 କୁଇଣ୍ଟାଲ 20 କେଜି ଗଞ୍ଜେଇ ଜବତ କରିବା ସହ 2 ଜଣକୁ ଗିରଫ କରିଛି । କନ୍ଧମାଳ ଜିଲ୍ଲା ଗୋଚ୍ଛାପଡା ଥାନା ଅନ୍ତର୍ଗତ ପାହୀରାଜୁ ପଞ୍ଚାୟତର ଡ୍ରେସାରୁ ଗାଁରେ ଏହି ଚଢ଼ାଉ କରାଯାଇଥିଲା ।
ଚୋରା ଚାଲାଣ ବେଳେ 20 କୁଇଣ୍ଟାଲ ଗଞ୍ଜେଇ ଜବତ
ଗଞ୍ଜେଇ ଚାଲାଣରେ ପୋଳିସ 2 ଜଣକୁ ଗିରଫ କରାଯାଇଥିଲେ ମଧ୍ୟ ଅନ୍ୟ 12 ଜଣ ଚମ୍ପଟ ମାରିଛନ୍ତି । ଦୁର୍ବୃତ୍ତମାନେ ରାଜ୍ୟ ବାହାରକୁ ଗଞ୍ଜେଇ ଚାଲାଣ ପାଇଁ ଅପେକ୍ଷା କରିଥିବା ବେଳେ ପୋଲିସ ଅତର୍କିତ ଚଢାଉ କରିଥିଲା । ଗିରଫ ହୋଇଥିବା 2 ଜଣ ହେଲେ ଡ୍ରେସାରୁ ଗାଁର ଚାଲାଣକାରୀ ବଡ଼ଗା ଦିଗାଲ ଓ ବିଞ୍ଜେ କଂହର ।
ଏହି ଜବତ ହୋଇଥିବା ଗଞ୍ଜେଇ ଜିଲ୍ଲାରେ ଆଜିପର୍ଯ୍ୟନ୍ତ ସର୍ବାଧିକ ପରିମାଣର ବୋଲି ପୋଲିସ ସୂଚନା ଦେଇଛି । ତେବେ ଅନ୍ୟ 12 ଅଭିଯୁକ୍ତ ପୋଲିସକୁ ଚକମା ଦେଇ ଫେରାର ହୋଇଯାଇଛନ୍ତି । ସମସ୍ତଙ୍କୁ ଧରାଯିବ ବୋଲି କହିଛନ୍ତି ସଦର ଏସଡିପିଓ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
