ଭବାନୀପାଟଣା: କଳାହାଣ୍ଡି ବିଶ୍ବବିଦ୍ୟାଳୟର ନବ ନିଯୁକ୍ତ କୁଳପତି ପ୍ରଫେସର ଗୋବିନ୍ଦ ଚକ୍ର ପାଣି ପ୍ରଥମ କୁଳପତି ଭାବେ ଦାୟିତ୍ଵ ଗ୍ରହଣ କରିଛନ୍ତି । ପ୍ରଫେସର ଚକ୍ରପାଣି ବର୍ତ୍ତମାନ ବ୍ରହ୍ମପୁର ବିଶ୍ଵବିଦ୍ୟାଳୟର କୁଳପତି ଅଛନ୍ତି ଏବଂ କଳାହାଣ୍ଡି ବିଶ୍ଵବିଦ୍ୟାଳୟର କୁଳପତି ଭାବେ ଅତିରିକ୍ତ ଦାୟିତ୍ବ ନେଇଛନ୍ତି।
କଳାହାଣ୍ଡି ବିଶ୍ବବିଦ୍ୟାଳୟରେ ଯୋଗଦେଲେ ପ୍ରଥମ କୁଳପତି
ରାଜ୍ୟ ସରକାର ଭବାନୀପାଟଣା ସ୍ବୟଂଶାସିତ ମହାବିଦ୍ୟାଳୟକୁ କଳାହାଣ୍ଡି ବିଶ୍ବବିଦ୍ୟାଳୟରେ ରୂପାନ୍ତରିତ କରିଛନ୍ତି । ଏହା ଅଧୀନରେ କଳାହାଣ୍ଡି ଓ ନୂଆପଡାର ସମସ୍ତ ଡିଗ୍ରୀ କଲେଜ ଅନୁବନ୍ଧିତ ହୋଇ ରହିବ । ଚଳିତ ଶିକ୍ଷାବର୍ଷରୁ କଳାହାଣ୍ଡି ବିଶ୍ବବିଦ୍ୟାଳୟ ପୂର୍ଣ୍ଣ ରୂପେ କାର୍ଯ୍ୟ କରିବ ବୋଲି ଶିକ୍ଷା ବିଭାଗ ପକ୍ଷରୁ କୁହାଯାଇଛି । ତେବେ ପ୍ରଥମ କୁଳପତି ଭାବେ ଚକ୍ରପାଣି ଦାୟିତ୍ବ ଗ୍ରହଣ କରିବା ପରେ ଆଲୁମିନି ଆସୋସିଏସନ, କଳାହାଣ୍ଡି ଶିକ୍ଷା ବିକାଶ ପରିଷଦ ଓ ସିଟିଜେନ ଫୋରମ ପକ୍ଷରୁ ତାଙ୍କୁ ସ୍ବାଗତ କରାଯାଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
