ଭବାନୀପାଟଣା: ବୃଦ୍ଧଙ୍କୁ ନିର୍ମମ ଭାବେ ହତ୍ୟା କଲା ଦୁର୍ବୃତ୍ତ । କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ କୋଷାବରା ଗାଁର ଡୁମେନ ମାଝୀ ନାମକ ବୃଦ୍ଧଙ୍କୁ କେହି ଜଣେ ଦୁର୍ବୃତ୍ତ ଅତି ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି । ପୋଲିସ ସୂଚନା ଅନୁସାରେ, ଗତ ୨ ତାରିଖ ଦିନ ଡୁମେନ ମାଝୀ ଜାଳେଣୀ କାଠ ଆଣିବା ପାଇଁ ଗାଁ ନିକଟ ଜଙ୍ଗଲକୁ ଯାଇଥିଲେ। ସେହି ସମୟରେ କେହି ଜଣେ ଦୁର୍ବୃତ୍ତ ବୃଦ୍ଧଙ୍କୁ ଏକ ଧାରୁଆ ଅସ୍ତ୍ରରେ ଅତି ନିର୍ମମ ଭାବେ ହତ୍ୟାକରି ଘଟଣା ସ୍ଥଳରୁ ଫେରାର ହୋଇଯାଇଥିଲା ।
ବୃଦ୍ଧଙ୍କୁ ନିର୍ମମ ହତ୍ୟା
ମୃତ୍ୟୁଦେହ ଦେଖି ଗାଁ ଲୋକେ ପରିବାରବର୍ଗଙ୍କୁ ଖବର ଦେଇଥିଲେ। ଅଭିଯୋଗ ପାଇ ଶନିବାର ଥୁଆମୂଳ ରାମପୁର ପୋଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ । ତେବେ ବୃଦ୍ଧଙ୍କୁ କିଏ ଏବଂ କାହିଁକି ଏଭଳି ଅତି ନିର୍ମମ ଭାବେ ହତ୍ୟା କଲା ତାହା ଏବେ ପ୍ରଶ୍ନ ଘେରରେ ଥିବାବେଳେ ତଦନ୍ତ ଆରମ୍ଭ କରିଛନ୍ତି ପୋଲିସ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
