ଭବାନୀପାଟଣା: ସାରା ଦେଶରେ ବେଲଗାମ ହୋଇଛି ତୈଳ ଦର । ଏମିତିରେ ଦେଶବାସୀଙ୍କ ମଧ୍ୟରେ ତୈଳ ଦର ବୃଦ୍ଧିକୁ ନେଇ ଅସନ୍ତୋଷ ପ୍ରକାଶ ପାଇଥିବା ବେଳେ କଳାହାଣ୍ଡି ଜିଲ୍ଲା କଂଗ୍ରେସ ପ୍ରତିବାଦର ପନ୍ଥା ଆପଣାଇଛି । ସୋମବାର ଜିଲ୍ଲା କଂଗ୍ରେସ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏଥିସହ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ କଂଗ୍ରେସ କର୍ମୀମାନେ ଜିଲ୍ଲାପାଳଙ୍କ ମାଧ୍ୟମରେ ଏକ ଦାବି ପତ୍ର ପ୍ରଦାନ କରିଛନ୍ତି ।
କୋରୋନା ମାହାମାରୀ ଦେଶବାସୀଙ୍କ ଜୀବିକାକୁ ପ୍ରଭାବିତ କରିଥିବା ବେଳେ ଦିନକୁ ଦିନ ବଢୁଥିବା ତୈଳ ଦର ଲୋକଙ୍କୁ ଚିନ୍ତା ଦ୍ବିଗୁଣିତ କରିଛି । ତେଣୁ ଏହା ବିରୋଧରେ ଦେଶବାସୀ ସ୍ବର ଉତ୍ତୋଳନ କରିବାର ଆବଶ୍ୟକତା ଥିବା ମତ ଦେଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତ ଦାସ ।
ତେବେ ଏହି ବିକ୍ଷୋଭ ପ୍ରଦର୍ଶନ କରି ଜିଲ୍ଲା କଂଗ୍ରେସର କର୍ମୀମାନେ ଜିଲ୍ଲାପାଳଙ୍କ ଜରିଆରେ ଓ ବ୍ଲକସ୍ତରୀୟ କର୍ମୀମାନେ ବିଡିଓଙ୍କ ଜରିଆରେ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଛନ୍ତି ।
କଳାହାଣ୍ଡିରୁ ଅଜିତ୍ ସିଂ, ଇଟିଭି ଭାରତ
