କଳାହାଣ୍ଡି: ଜିଲ୍ଲାରେ ବୃଦ୍ଧି ପାଇବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା । ଶନିବାର ଜିଲ୍ଲାରେ ୧୦ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ଆଉ ୨୭ ଜଣ ଚିହ୍ନଟ ହୋଇଛନ୍ତି ।
ଶନିବାର ଚିହ୍ନଟ ହୋଇଥିବା ୧୦ ଜଣ ସଂକ୍ରମିତଙ୍କ ମଧ୍ୟରୁ ୪ ଜଣ ଲାଞ୍ଜିଗଡ଼ ଅଞ୍ଚଳର ରହିଛନ୍ତି । ଭବାନୀପାଟଣା ଅଞ୍ଚଳରୁ ୨ ଜଣ, ଜୁନଗଡ଼ ଓ ନର୍ଲାରୁ ଜଣେ ଲେଖାଏଁ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସେହିପରି ଧର୍ମଗଡ଼ ଅଞ୍ଚଳରରୁ ଦୁଇ ଜଣ ପୋଲିସ କର୍ମଚାରୀ କୋରୋନା ଯୋଦ୍ଧା ସଂକ୍ରମଣର ଶିକାର ହୋଇଛନ୍ତି । ରବିବାର ଅଧିକ ୨୭ ଜଣ ଚିହ୍ନଟ ହେବାସହ ସଂକ୍ରମିତଙ୍କ ସଂଖ୍ୟା ବୃଦ୍ଧି ପ୍ରଶାସନକୁ ଚିନ୍ତାରେ ପକାଇଛି । ସାଧାରଣ ଲୋକେ ମଧ୍ୟ ଏକ ପ୍ରକାର ଆତଙ୍କିତ ହୋଇଛନ୍ତି ।
ଚିହ୍ନଟ ହୋଇଥିବା ସମସ୍ତ 27 ଜଣ, ପୂର୍ବ ସଂକ୍ରମିତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ଜଣାପଡିଛି । ସମସ୍ତ ଆକ୍ରାନ୍ତଙ୍କୁ ଜିଲ୍ଲା କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି । ବର୍ତ୍ତମାନ ସୁଦ୍ଧା ଜିଲ୍ଲାରେ ମୋଟ ସଂକ୍ରମିତଙ୍କ ସଂଖ୍ୟା ୨୯୨କୁ ପହଞ୍ଚିଛି । ସେଥିମଧ୍ୟରୁ ୧୧୧ ଜଣ ସୁସ୍ଥ ହୋଇ ସାରିଥିବାବେଳ, ୧୮୧ ଜଣ ଜିଲ୍ଲା କୋଭିଡ୍ ହସ୍ପିଟାଲରେ ଚିକିତ୍ସାଧୀନ ଅଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
