ଭବାନୀପାଟଣା: ଦୀର୍ଘ 4 ମାସର ଅପରେସନ ପରେ କଳାହାଣ୍ଡି ପୋଲିସକୁ ମିଳିଛି ଏକ ବଡ଼ ସଫଳତା । ଜିଲ୍ଲାର ବିଶ୍ୱନାଥପୁର ଓ ଲାଞ୍ଜିଗଡ଼ ପୋଲିସର ମିଳିତ ଅପରେସନରେ ଧରା ପଡ଼ିଛନ୍ତି ଏକ ଆନ୍ତଃରାଜ୍ୟ ବାଇକ୍ ଲୁଟେରା ଦଳ । ଓଡ଼ିଶାରୁ ମଧ୍ୟପ୍ରଦେଶ, ଛତିଶଗଡ଼, ଆନ୍ଧ୍ରପ୍ରଦେଶ ଯାଏଁ ଚେର ଲମ୍ବିଥିବା ଏହି ରାକେଟର ପର୍ଦ୍ଦାଫାସ କରିବା ସହ ୩୯ଟି ଚୋରା ବାଇକ ଜବତ କରିବାରେ ସକ୍ଷମ ହୋଇଛି ପୋଲିସ ।
ଆନ୍ତଃରାଜ୍ୟ ବାଇକ ଚୋରି ରାକେଟ ଠାବ, ୧୧ଗିରଫ
ଏହି ଘଟଣାରେ ସଂପୃକ୍ତ ମାଷ୍ଟର ମାଇଣ୍ଡ ସମେତ ୧୧ ଜଣଙ୍କୁ ମଧ୍ୟ ଗିରଫ କରିଛି । କଳାହାଣ୍ଡି ଏସ୍ପି ବାତୁଲା ଗଙ୍ଗାଧରଙ୍କ ନିର୍ଦ୍ଦେଶରେ ଗଠିତ ଏକ ସ୍ବତନ୍ତ୍ର ଟିମ ଏହି ଅପରେସନରେ ସାମିଲ ଥିଲେ । ଘଟଣାରେ ସଂପୃକ୍ତ ମାଷ୍ଟର ମାଇଣ୍ଡ ନର୍ଲା ଥାନା ରୁପ୍ରା ରୋଡର ଅବିନାଶ ସାହୁ ଓ ଦୁଇଜଣ ନାବାଳକ ସମେତ ଚୋରି ଗ୍ୟାଙ୍ଗର ୧୧ ଜଣଙ୍କୁ ଗିରଫ କରିଛି ପୋଲିସ ।
ତେବେ ତଦନ୍ତ ପ୍ରକ୍ରିୟା ଜାରି ରହିଥିବା ବେଳେ ଆହୁରି ଅଧିକ ବାଇକ ଜବତ ହେବାର ସମ୍ଭାବନା ଥିବା ପୋଲିସ ସୂଚନା ଦେଇଛି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
