ଭବାନୀପାଟଣା: ଗତ ୪ ଦିନ ଧରି କଳହାଣ୍ଡି ଜିଲ୍ଲାରେ ଲଗାଣ ବର୍ଷା ଯୋଗୁଁ ଯୋଗାଯୋଗ ବିଚ୍ଛିନ୍ନ ହେବା ସହ ବ୍ୟାପକ କ୍ଷୟକ୍ଷତି ହୋଇଛି । ରାସ୍ତାଘାଟରେ ପାଣି ଜମିରହିବା ସହ ଅନେକ ଘର ଭାଙ୍ଗିଯାଇଛି । ଫଳରେ ନାନା ସମସ୍ୟାର ସମ୍ମୁଖୀନ ହେଉଛନ୍ତି ଲୋକେ ।
କଳାହାଣ୍ଡିରେ ଲଗାଣ ବର୍ଷା
ପ୍ରବଳ ବର୍ଷା ଯୋଗୁଁ ଜିଲ୍ଲାର କୋକସରା ବ୍ଲକ ୧୦ରୁ ଉର୍ଦ୍ଧ୍ବ ଘର ଭାଙ୍ଗି ଯାଇଥିବା ବେଳେ ଅନେକ ପରିବାର ସ୍କୁଲ ମାନଙ୍କରେ ଆଶ୍ରୟ ନେଇଥିବା ଜଣାପଡିଛି । ସେହିପରି ଲାଞ୍ଜିଗଡ଼ ବ୍ଳକରେ ସର୍ବାଧିକ ବର୍ଷା ରେକର୍ଡ କରାଯାଇଛି । ଏହାସହ ବିଭିନ୍ନ ଗାଁରେ ଘର ଭାଙ୍ଗି ଥିବା ସୂଚନା ମିଳିଛି ।କେଉଁଠି କାନ୍ଥ ଭାଙ୍ଗିଯାଇଥିବା ବେଳେ କେଉଁଠି ଝାଟିମାଟି ଘର ଟଳି ପଡିଛି । ଅନେକ ପରିବାର ଏବେ ସମସ୍ୟାର ସମ୍ମୁଖିନ ହେଉଥିବା ବେଳେ ତହସିଲଦାର ଓ ବିଡ଼ିଓ ମାନଙ୍କ ମାଧ୍ୟମରେ କ୍ଷୟକ୍ଷତିର ଅଟକଳ କରାଯାଇ ସରକାରୀ ସହାୟତା ଯୋଗାଇ ଦିଆଯିବ ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ଇଟିଭି ଭାରତ, କଳାହାଣ୍ଡି
