ଭବାନୀପାଟଣା: ଆମପାଣି ଘାଟିରେ ପୁଣି ଦୁର୍ଘଟଣା । ମାଲ ବୋଝେଇ ଟ୍ରକ ଓଲଟି ଡ୍ରାଇଭର ମୃତ । ମୃତକ ତେଲେଙ୍ଗାନାର ନାଲାଶ୍ରୀ ନିବାସ ରେଡ୍ଡୀ ବୋଲି ଜଣାପଡିଛି । ଘଟଣାସ୍ଥଳରେ ଅଗ୍ନିଶମ ବିଭାଗ ଓ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛନ୍ତି ।
ଦିନକୁ ଦିନ ବଢ଼ିବାରେ ଲାଗିଛି କଳାହାଣ୍ଡି ଓ ନବରଙ୍ଗପୁର ଜିଲ୍ଲା ସୀମାନ୍ତ ଆମପାଣି ଘାଟିରେ ଦୁର୍ଘଟଣା । ତେବେ ଆଜି(ବୁଧବାର) ଏଠାରେ ଏକ ମାଲ ବୋଝେଇ ଟ୍ରକ ଭାରସାମ୍ୟ ହରାଇ ଘାଟି ତଳକୁ ଓଲଟି ପଡ଼ିଥିବାବେଳେ ଘଟଣାସ୍ଥଳରେ ହିଁ ଡ୍ରାଇଭରଙ୍କର ମୃତ୍ୟୁ ହୋଇଛି । ଟ୍ରକଟି ବିଶାଖାପାଟଣାରୁ ରାୟପୁର ଯାଉଥିବାବେଳେ ଆମପାଣି ଘାଟିରେ ଦୁର୍ଘଟଣାଗ୍ରସ୍ତ ହୋଇଛି ।
ଇଟିଭି ଭାରତ, କଳାହାଣ୍ଡି
