କଳାହାଣ୍ଡି: ବିଜେପୁର ଉପନିର୍ବାଚନରେ କଂଗ୍ରେସ ଲଢି ନଥିଲା କେବଳ ଅଂଶଗ୍ରହଣ କରିଥିଲା ବୋଲି ବରିଷ୍ଠ କଂଗ୍ରେସ ନେତା ଭକ୍ତ ଚରଣ ଦାସ କହିଛନ୍ତି । ପଶ୍ଚିମ ଓଡିଶାରେ କଂଗ୍ରେସର ଭୋଟ ବ୍ୟାଙ୍କ ବିଜେପି ଆଡକୁ ଯାଉଛି । ଯଦି କଂଗ୍ରେସ ଲୋକମାନଙ୍କ ପାଖରେ ରହିବ ଓ ନଜର ଆସିବ ତେବେ ଓଡିଶାର ଲୋକେ ମଧ୍ୟ ଆମ ପାଖରେ ରହିବେ । ଯଦି ଲୋକଙ୍କ ସମସ୍ୟା ଆଧାରିତ ରାଜନୈତିକ କାର୍ଯ୍ୟକ୍ରମ କରାଯାଏ ତାହେଲେ ଅନ୍ୟ ରାଜ୍ୟ ପରି ଓଡିଶାରେ ମଧ୍ୟ ସ୍ଥିତି ରହିପାରନ୍ତା ।
କଂଗ୍ରେସ ସଂପୂର୍ଣ୍ଣ ଭାବେ ନୀରବ ରହିଥିବାବେଳେ ଏନେଇ ଏଆଇସିସି ଦୃଢ ନିଷ୍ପତ୍ତି ନେବାର ଆବଶ୍ୟକତା ରହିଛି । ବିଜେପୁର ନିର୍ବାଚନରେ କଂଗ୍ରେସର ବିପର୍ଯ୍ୟସ୍ତ ପାଇଁ ଦଳ ଦାୟୀ ବୋଲି ସେ ପ୍ରକାଶ କରିଛନ୍ତି ।
ସେହିପରି ସର୍ବଭାରତୀୟ ସ୍ତରରେ କଂଗ୍ରେସର ସ୍ଥିତିରେ ଉନ୍ନତି ଆସିଥିବା କହିଛନ୍ତି । ଗତ ମହାରାଷ୍ଟ୍ର ଓ ହରିୟାଣାରେ କଂଗ୍ରେସର ଭୋଟହାର ବଢିଥିବାବେଳେ ଓଡିଶାରେ କଂଗ୍ରେସ ସ୍ଥିତି ଶୋଚନୀୟ ହୋଇଥିବା ଭକ୍ତ କହିଛନ୍ତି ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
