ଝାରସୁଗୁଡା: ପ୍ରଥମ ଥର ୧୮ ବର୍ଷ ରୁ କମ ସାଫ୍ କପ ଜିତିଛି ଭାରତ । ଭାରତର ବିଜୟ ପରେ ଓଡ଼ିଆ ଖେଳାଳି ଟଙ୍କଧର ବାଗ ହାତରେ ଟ୍ରଫି ଧରି ଟେକିଛନ୍ତି ।
ନେପାଳ ରାଜଧାନୀ କାଠମାଣ୍ଡୁ ଖେଳାଯାଇଥିବା ୧୮ ବର୍ଷରୁ କମ ପୁରୁଷ ସାଫ୍ ଫୁଟବଲ ଚମ୍ପିୟାନସିପରେ ଭାରତ ଦଳ ଚାମ୍ପିୟାନ ହେବାରେ ସଫଳତା ହାସଲ କରିଛି । ଭାରତୀୟ ଫୁଟବଲ ଦଳରେ ଏକମାତ୍ର ଓଡ଼ିଆ ଖେଳାଳି ଭାବେ ଝାରସୁଗୁଡାର ଟଙ୍କଧର ବାଗ ପ୍ରତିନିଧିତ୍ଵ କରିବାରେ ସୁଯୋଗ ପାଇଥିଲେ । ବଲାଙ୍ଗୀର କ୍ରୀଡା ଛାତ୍ରାବାସରେ ପ୍ରଥମେ ପ୍ରଶିକ୍ଷଣ ପାଇଥିଲେ ଟଙ୍କଧର ।
ଦୀର୍ଘ ବର୍ଷ ପରେ ଜଣେ ଓଡ଼ିଆ ଖେଳାଳି ଭାବେ ୧୮ ବର୍ଷ ରୁ କମ ସାଫ୍ ଚମ୍ପିୟାନ ଦଳର ସଦସ୍ୟ ରହିବାର ସୁଯୋଗ ପାଇଥିଲେ ଟଙ୍କଧର । ଏହା ସହିତ ଭାରତୀୟ ଟିମର ଗୋଟିଏ ମ୍ୟାଚର ଶ୍ରୀଲଙ୍କା ବିପକ୍ଷରେ ଅଧିନାୟକ ରହି ଟଙ୍କଧର ଖେଳିବାରେ ସକ୍ଷମ ହୋଇଛନ୍ତି । ଚମ୍ପିୟାନ ହେବା ପରେ ଟଙ୍କଧର ନିଜ ଜନ୍ମ ମାଟି ଝାରସୁଗୁଡାରେ ପହଞ୍ଚିଛନ୍ତି । ପହଞ୍ଚିବା ପରେ ଅଞ୍ଚଳବାସୀଙ୍କ ପକ୍ଷରୁ ଟଙ୍କଧରଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦିଆଯିବା ସହିତ ଏକ ରୋଡ଼ସୋ କରି ଝାରସୁଗୁଡ଼ା ସହରରେ ବୁଲାଇଛନ୍ତି ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
