ଝାରସୁଗୁଡା: ଛତିଶଗଡ଼ ପୋଲିସ ଦ୍ବାରା ବିଜେଡି ନେତା ଅନୁପ କୁମାର ସାଏ ଅଟକ । ଛତିଶଗଡ଼ର ରାୟଗଡ ପୋଲିସ ବୁଧବାର ରାତିରେ ଅନୁପଙ୍କୁ ଏକ ହତ୍ୟାକାଣ୍ଡ ମାମଲାରେ ସମ୍ପୃକ୍ତ ଥିବା ଅଭିଯୋଗରେ ଉଠାଇ ନେଇଛି । ବର୍ତ୍ତମାନ ଅନୁପଙ୍କୁ ରାୟଗଡ ଜିଲ୍ଲାର ଚକ୍ରଧରନଗର ଥାନାରେ ପଚରାଉଚରା କରାଯାଉଛି ।
ଅନୁପ କୁମାର ସାଏ ବ୍ରଜରାଜନଗର ନିର୍ବାଚନମଣ୍ଡଳୀରୁ ତିନି ଥର କଂଗ୍ରେସ ଟିକେଟରୁ ବିଧାୟକ ରହିଥିଲେ । ପରେ କଂଗ୍ରେସ ଦଳ ଛାଡି 2014 ରେ ବିଜେଡିରେ ଯୋଗ ଦେଇଥିଲେ । ବର୍ତ୍ତମାନ ରାଜ୍ୟ ପଣ୍ୟାଗାର ନିଗମର ଅଧ୍ୟକ୍ଷ ଅଛନ୍ତି ଅନୁପ କୁମାର ସାଏ ।
2016 ମସିହା ଏପ୍ରିଲ ମାସରେ ଝାରସୁଗୁଡ଼ା ଛତିଶଗଡ଼ ସୀମାନ୍ତରେ କଳ୍ପନା ଦାସ ଓ ପ୍ରଭାତୀ ଦାସ ଦୁଇ ଜଣଙ୍କୁ ବୀଭତ୍ସ ହତ୍ୟା କରାଯାଇ ଫିଙ୍ଗା ଯାଇଥିଲା । ପରେ ଛତିଶଗଡ଼ ପୋଲିସ ମୃତଦେହକୁ ପାଇବା ପରେ ବିଭିନ ସ୍ଥାନ ଓ ଥାନାରେ ଅନୁସନ୍ଧାନ ଚଳାଇଥିଲା । ପରେ କିଛି ଗୋପନୀୟ ତଥ୍ୟ ପ୍ରଦାନ କରିଥିଲେ ମୃତକଙ୍କ ସମ୍ପର୍କୀୟ ।
ବୁଧବାର ରାତିରେ ଏହି ହତ୍ୟାକାଣ୍ଡରେ ସମ୍ପୃକ୍ତ ଥିବା ସନ୍ଦେହ କରି ବ୍ରଜରାଜନଗରର ପୂର୍ବତନ ବିଧାୟକ ତଥା ବିଜେଡି ନେତା ଅନୁପ ସାଏଙ୍କୁ ଛତିଶଗଡ଼ ପୋଲିସ ତାଙ୍କ ବାସ ଭବନସ୍ଥିତ ସାଇ ମନ୍ଦିରରୁ ଉଠାଇ ନେଇଛି ପୋଲିସ ।
ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ
