ଯାଜପୁର: ଜିଲ୍ଲା ବ୍ରଜନଗର ନିକଟରେ ଟ୍ରକ ଓଲଟି 10ରୁ ଊର୍ଦ୍ଧ୍ବ ଗାଈ ମୃତ l ପାଣିକୋଇଲି ଥାନା ଅନ୍ତର୍ଗତ ୧୬ନମ୍ବର ଜାତୀୟ ରାଜପଥର ବ୍ରଜନଗର ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଟ୍ରକ ଖସିପଡିବାରୁ ଏପରି ଏକ ଅଘଟଣ ଘଟିଛି । ଫଳରେ ଟ୍ରକ ଭିତରେ ଥିବା 10ରୁ ଊର୍ଦ୍ଧ୍ବ ଗାଈଙ୍କ ମୃତ୍ୟୁ ଘଟିଛି ।
ଗୋରୁ ବୋଝେଇ ଟ୍ରକ ଦୁର୍ଘଟଣାଗ୍ରସ୍ଥ, 10 ଗାଈ ମୃତ
ସେପଟେ ଦୁର୍ଘଟଣା ଟ୍ରକ ଚାଳକ ଫେରାର ହୋଇଯାଇଥିବା ସୂଚନା ମିଳିଛି । ଆଜି(ରବିବାର) ଭୋରୁ ଭୋରୁ ଉକ୍ତ ଟ୍ରକଟି ଭଦ୍ରକ ଆଡୁ ପାଣିକୋଇଲି ଆସୁଥିଲା । ଏହି ସମୟରେ ବ୍ରଜନଗର ଅଣ୍ଡର ପାସ୍ ରାସ୍ତା ନିକଟରେ ଟ୍ରକଟି ଓଲଟିପଡ଼ି ଦୁର୍ଘଟଣାଗ୍ରସ୍ତ ହୋଇଥିଲା । ଫଳରେ ଗାଡିରେ ଚାଲାଣ ହେଉଥିବା ନିରୀହ ଗାଈଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ଉତ୍ତେଜନା ଦେଖାଦେଇଛି । ପାଣିକୋଇଲି ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି ।
ଯାଜପୁର, ଇଟିଭି ଭାରତ
