ଯାଜପୁର: ଚାଲିଛି ପାର୍ବଣର ଋତୁ । ଧରାବତରଣ କରିଛନ୍ତି ଧନଦାତ୍ରୀ ମା' ଲକ୍ଷ୍ମୀ । ମା'ଙ୍କ ପୂଜା ପାଇଁ ଚଳଚଞ୍ଚଳ ହୋଇ ଉଠିଛି ପୁରଠୁ ପଲ୍ଲୀ । ତେବେ ଯାଜପୁରର କୋରେଇ ବ୍ଲକ ତାରାକୋଟ ଗ୍ରାମରେ ହିନ୍ଦୁ ଓ ମୁସଲିମ ଧର୍ମାବଲମ୍ବୀ ମିଶି ମା'ଙ୍କୁ ଆରାଧନା କରୁଥିବା ଦେଖିବାକୁ ମିଳିଛି ।
ମା' ଗଜଲକ୍ଷ୍ମୀ ପୂଜା: କୋରେଇ ବ୍ଲକରେ ହିନ୍ଦୁ-ମୁସଲିମ ମିଶି କରୁଛନ୍ତି ପୂଜାର୍ଚ୍ଚନା
ତାରାକୋଟ ଗ୍ରାମ ମା' ଗଜଲକ୍ଷ୍ମୀଙ୍କ ପୂଜା ପାଇଁ ପ୍ରସିଦ୍ଧ । ମା'ଙ୍କ ପୂଜା ଆସିଲେ ଆଖପାଖ ବହୁ ଗ୍ରାମର ଲୋକେ ଏଠାକୁ ପୂଜା ଦେଖିବାକୁ ଆସନ୍ତି । ଆଲୋକ ମାଳାରେ ସୁସଜ୍ଜିତ ହୋଇଥାଏ ସମସ୍ତ ପୂଜା ମଣ୍ଡପ । ଉତ୍ସବ ମୁଖର ହୋଇଉଠେ ଗାଁ । ପାଖାପାଖି 25 ଗୋଟି ପୂଜାମଣ୍ଡପରେ ମା'ଙ୍କ ପୂଜା କରାଯାଏ । କାହିଁ କେଉଁ ଅନାଦି କାଳରୁ ଏହି ପୂଜା ହୋଇଆସୁଛି ।
