ଯାଜପୁର: ଯାଜପୁର ରୋଡ ବନବିଭାଗ ଦ୍ୱାରା ଯାଜପୁର ବଲ୍ଲଭିଘାଟ ନିକଟରୁ ସତୁରୀ ହଜାର ଟଙ୍କାର ଚୋରା କାଠ ଜବତ । ଏଥିସହିତ ଡ୍ରାଇଭର ଗିରଫ ଓ ପିକଅପ ଭ୍ୟାନ ଜବତ ।
ଚୋରା କାଠ ଜବତ, ଡ୍ରାଇଭର ଗିରଫ
ଆଜି(ରବିବାର) ସକାଳ ସମୟରେ କଟକ ଡିଏଫଓଙ୍କ ଠାରୁ ଖବରପାଇ ଯାଜପୁର ରୋଡ ରେଞ୍ଜର ଜ୍ୟୋତିରଞ୍ଜନ ମହାପାତ୍ର ବଲ୍ଲବୀଘାଟ ନିକଟରେ ଚୋରା କାଠ ନେଇ ଯାଉଥିବା ଏକ ପିକଅପ ଭ୍ୟାନକୁ ଧରିଥିଲେ । ଡ୍ରାଇଭରକୁ ପଚରାଉଚରା ପରେ ଏହା ଚୋରା କାଠ ବୋଲି ଜଣାପଡିଥିଲା ।
ରେଞ୍ଜର ଶ୍ରୀ ମହାପାତ୍ର ଚୋରା କାଠ ବୋଝେଇ ଭ୍ୟାନ ଏବଂ ଡ୍ରାଇଭରକୁ ଯାଜପୁର ରୋଡ ରେଞ୍ଜ ଅଫିସକୁ ଆଣିବା ପରେ ଅଧିକ ପଚରାଉଚରା କରୁଛନ୍ତି । ଆସନ୍ତାକାଲି ଡ୍ରାଇଭରକୁ କୋର୍ଟ ଚାଲାଣ କରାଯିବ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
