ଯାଜପୁର: ବକେୟା ପାଉଣା ମିଳୁନଥିବାରୁ ଉପ କୃଷି ନିର୍ଦ୍ଦେଶକଙ୍କ କାର୍ଯ୍ୟାଳୟ ଆଗରେ ଧାରଣା ଦେଇଛନ୍ତି ଧର୍ମଶାଳାର କୃଷକ ସାଥୀ। ସେମାନଙ୍କ ପାଖରେ ସରକାରୀ ଯୋଜନା ପହଞ୍ଚାଇବା ପାଇଁ ନିଯୁକ୍ତ ଥିବା କୃଷକ ସାଥୀମାନେ 1000 ଟଙ୍କା ବେତନରେ କାର୍ଯ୍ୟ କରୁଛନ୍ତି । ନିକଟରେ ସରକାର ସାଥୀମାନଙ୍କ ଦରମା ବୃଦ୍ଧି କରିଥିବାରୁ ବକେୟା ବର୍ଦ୍ଧିତ ରାଶି 5000 ଟଙ୍କା ଅନ୍ୟ ସବୁ ବ୍ଲକରେ କୃଷକ ସାଥୀମାନେ ପାଇସାରିଥିବା ବେଳେ ଧର୍ମଶାଳା ବ୍ଲକରେ କାର୍ଯ୍ୟରତ ସାଥୀମାନେ ଏହା ପାଇବାରୁ ବଞ୍ଚିତ ହୋଇଛନ୍ତି ।
ମାସ ମାସ ଧରି ଧର୍ମଶାଳା କୃଷି ବିଭାଗ ସହ ଜିଲ୍ଲା ଉପ କୃଷି ନିର୍ଦ୍ଦେଶକଙ୍କୁ ଜଣାଇଲା ପରେ ଏହା ମିଳିପାରୁନାହିଁ । ଫଳରେ ତୁରନ୍ତ ଏହି ବର୍ଦ୍ଧିତ ପ୍ରାପ୍ୟ ପ୍ରଦାନ ଲାଗି କୃଷକ ସାଥୀମାନେ ଦାବି କରି ଧାରଣା ଦେଇଛନ୍ତି । ଅନ୍ୟପଟେ କୃଷି ଉପ ନିର୍ଦ୍ଦେଶକ କହିଛନ୍ତି ବୈଷୟିକ ତ୍ରୁଟି କାରଣରୁ ତାହା ମିଳିପାରିନାହିଁ । ଖୁବଶୀଘ୍ର ଧର୍ମଶାଳା କୃଷକ ସାଥୀମାନଙ୍କୁ ସେମାନଙ୍କ ବକେୟା ପାଉଣା ପ୍ରଦାନ କରାଯିବ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
