ଯାଜପୁର: ପାଣିକୋଇଲି ଏସପି ଅଫିସ ନିକଟରେ ଅଭାବନୀୟ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ସିଲିଣ୍ଡର ବୋଝେଇ ଟ୍ରକ । ଅଳ୍ପକେ ବର୍ତ୍ତିଲା ଡ୍ରାଇଭର । ଘଟଣା ଘଟିଛି ପାଣିକୋଇଲି ଥାନା ଏସ୍ ପି ଅଫିସ ନିକଟ ଜାତୀୟ ରାଜପଥରେ ।
ମିଳିଥିବା ଖବର ଅନୁଯାୟୀ ଏକ ଗ୍ଯାସ୍ ଟାଙ୍କି ବୋଝେଇ ଟ୍ରକ୍ ବାଲେଶ୍ବରରୁ ବ୍ରହ୍ମପୁର ଅଭିମୁଖେ ଯାଉଥିଲା । ଏସ୍ ପି ଅଫିସ ନିକଟରେ ରଙ୍ଗ୍ ରୁଟରେ ଆସୁଥିବା ଏକ ଗାଡ଼ିକୁ ରକ୍ଷା କରିବାକୁ ଯାଇ ଟ୍ରକଟି ରାସ୍ତା ପାର୍ଶ୍ବ ଖାଲକୁ ଖସି ପଡିଥିଲା । ଫଳରେ ଟ୍ରକଟି ସମ୍ପୂର୍ଣ୍ଣ ଭାଙ୍ଗି ଚୁରମାର ହୋଇଯାଇଥିଲା । କିନ୍ତୁ ସୌଭାଗ୍ଯର କଥା ଡ୍ରାଇଭର ଅଳ୍ପକେ ବର୍ତ୍ତି ଯାଇଛନ୍ତି । ଖବର ପାଇ ପାଣିକୋଇଲି ଥାନା ଅଧିକାରୀ ଓ ଅଗ୍ନିଶମ ଅଧିକାରୀଙ୍କ ସହ ଅଗ୍ନିଶମ କର୍କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ ।
ସାମାନ୍ଯ ଆହତ ହୋଇଥିବା ଡ୍ରାଇଭରକୁ ଚିକିତ୍ସା ଲାଗି ପଠାଇବା ସହ ତଦନ୍ତ ଆରମ୍ଭ କରିଥିଲେ । ଦୁର୍ଘଟଣାର ଖବର ପାଇ ଓଡ଼ିଶା ଇଣ୍ଡେନ୍ ଗ୍ଯାସ୍ ଡିଷ୍ଟ୍ରିବ୍ଯୁଟର୍ ସଂଘର ରାଜ୍ୟ ଉପସଭାପତି ପୁଲିନ୍ ପ୍ରକାଶ ପୁହାଣ ଘଟଣା ସ୍ଥଳରେ ପହଞ୍ଚିଥିଲେ । ଏଥି ସହ ଗ୍ଯାସ୍ ଟାଙ୍କି ଗୁଡିକର ପୁନରୁଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିଥିଲେ । କେବଳ ଟ୍ରକଟିକୁ ଛାଡି ଅନ୍ୟ କୌଣସି କ୍ଷୟକ୍ଷତି ହୋଇନଥିବା ସୂଚନା ଦେଇଛନ୍ତି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
