ଯାଜପୁର: ଜିଲ୍ଲା ସ୍ଥିତ ଯଖପୁରା ନିକଟରେ ଏକ ସଡକ ଦୁର୍ଘଟଣା ଘଟିଛି । ଏକ ଟ୍ରଲର ସହ ବୁଲେଟର ମୁହାଁମୁହାଁ ଧକ୍କା ହେବାରୁ 2 ଜଣଙ୍କର ମୃତ୍ୟୁ ଘଟିଛି । ଖବର ପାଇ ଯଖପୁରା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି ।
ସୂଚନା ଅନୁଯାୟୀ ଯାଜପୁର ଜିଲ୍ଲା କଳିଙ୍ଗ ନଗର ଯଖପୁରା ଥାନା ଅନ୍ତର୍ଗତ ସାଇଜର ବିଲ୍ଡିଂ ସମ୍ମୁଖରେ ଟ୍ରଲର ସହ ବୁଲେଟର ମୁହାଁମୁହିଁ ଧକ୍କା ହୋଇଛି । ଫଳରେ ଦୁଇ ବୁଲେଟ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତକ ଦ୍ବୟ ନିମପଲି ଗ୍ରାମର ହାପି ମୁଦୁଲି ଓ ସତ୍ୟବ୍ରତ ମୁଦୁଲି ବୋଲି ଜଣାପଡିଛି । ଏନେଇ ଯଖପୁରା ଥାନା ପୋଲିସ ଖବର ପାଇ ଘଟଣାସ୍ଥଳରେ ପହଁଚି ମୃତଦେହ ଜବତ କରିଛି ।
ଏଥିସହ ବ୍ୟବଚ୍ଛେଦ ପାଇଁ ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛି । ଟ୍ରଲର ଓ ବୁଲେଟକୁ ଜବତ କରି ଥାନାକୁ ନେଇଛି ପୋଲିସ । ଅନ୍ୟପଟେ ଦୁର୍ଘଟଣାରେ ଜିତୁ ଚକ୍ର ଗୁରୁତର ଆହତ ହୋଇଥିବା ଜଣାପଡିଛି । ତାଙ୍କୁ ଦାନଗଦି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
