ଜଗତସିଂହପୁର: ପାରାଦ୍ବୀପ ଲକ ଥାନା ପୋଲିସ ଗତକାଲି ଅପରାଧୀଙ୍କୁ ଧରିବାକୁ ଯାଇ ମାଡ ଖାଇବା ଘଟଣାରେ ପୋଲିସ ନିଜର ପ୍ରତିକ୍ରିୟା ରଖିଛି । ପାରାଦ୍ବୀପ ଲକ ଥାନାର ଦଳେଇ ସାହିରେ ଜଣେ ଅଭିଯୁକ୍ତକୁ ପୋଲିସ ଧରିବାକୁ ଯାଇଥିବାବେଳେ ସେଠାରେ ଗାଁ ଲୋକେ ପୋଲିସକୁ ଆକ୍ରମଣ କରିଥିଲେ । ହେଲେ ପୋଲିସ ପକ୍ଷରୁ କୌଣସି ଫାୟାରିଂ କରାଯାଇନାହିଁ ବୋଲି ପୋଲିସ କହିଛି ।
ଅଭିଯୁକ୍ତ ତ୍ରିନାଥ ଦଳେଇର ମା’ ପାଟି କରିବାରୁ ଗାଁ ଲୋକେ ପୋଲିସ ଉପରକୁ ଆକ୍ରମଣ କରିଥିଲେ । ଏଥିରେ ଏସଆଇ ଆଶୁତୋଷ ହୋତା ଓ ଅନ୍ୟ ଜଣେ ଅଧିକାରୀ ଆହତ ହୋଇଛନ୍ତି ବୋଲି ପାରାଦ୍ବୀପ ଏଏସପି ନିମାଇଁ ଚରଣ ସେଠୀ କହିଛନ୍ତି । ହେଲେ ସେଠାରେ ପୋଲିସ ଫାୟାରିଂ କରିଥିବାର ଅଭିଯୋଗ ହୋଇଥିଲା । ଯାହାକୁ ଏଏସପି ଖଣ୍ଡନ କରିଛନ୍ତି ।
ତେବେ ପୋଲିସ କର୍ମଚାରୀ ଆହତ ହୋଇଥିବା ଏଏସପି ସ୍ବୀକାର କରିଛନ୍ତି । ସୂଚନାଥାଉକି, ତ୍ରିନାଥ ଦଳେଇ ନାମରେ ଦାଦାବଟି ଆଦାୟର ଅଭିଯୋଗ ରହିଥିଲା । ସେ ଫେରାର ହୋଇଯାଇଥିବାବେଳେ ପୋଲିସ ତାକୁ ଖୋଜୁଥିଲା ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
