ଜଗତସିଂହପୁର: ଜିଲ୍ଲାରେ କାଳିଆ ଯୋଜନା କେଳଙ୍କାରୀ ଦିନକୁ ଦିନ ଲମ୍ବିବାରେ ଲାଗିଛି । ପ୍ରଥମ ଦଫାରେ ଜିଲ୍ଲାରେ ମୋଟ 1ଲକ୍ଷ 34 ହଜାର 981 ଜଣ ହିତାଧିକାରୀଙ୍କୁ କାଳିଆ ଟଙ୍କା ପ୍ରଦାନ କରାଯାଇଛି । କିନ୍ତୁ ବର୍ତମାନ ସୁଦ୍ଧା ସେମାନଙ୍କ ମଧ୍ୟରେ 16 ହଜାର 7ଶହ 68ଜଣ ଅଯୋଗ୍ୟ ହିତାଧିକାରୀଙ୍କୁ ଚିହ୍ନଟ କରିଛି କୃଷି ବିଭାଗ ।
କୃଷି ଅଧିକାରୀଙ୍କ କହିବା କଥା, ସରକାର ନିଜ ଆଡୁ ଚାଷୀଙ୍କ ତାଲିକା ପଠାଇଥିଲେ । କୃଷି ବିଭାଗରୁ ବିହନ ନେଉଥିବା ଚାଷୀଙ୍କ ତାଲିକା ସରକାରଙ୍କ ପାଖରେ ରହିଛି । ଏଥିରେ ବହୁତ ଅଯୋଗ୍ୟ ହିତାଧିକାରୀ କାଳିଆ ଟଙ୍କା ନେଇଥିବା ସ୍ବୀକାର କରିଛନ୍ତି । ଏପରିକି ଆଳିପିଙ୍ଗଳ ଅଞ୍ଚଳର 7ମ ଶ୍ରେଣୀ ପିଲା ନାମରେ କାଳିଆ ଯୋଜନା ରହିଥିବା ଖବର ରାଜ୍ୟରେ ଚର୍ଚ୍ଚା ପାଲଟିଥିଲା ।
କିନ୍ତୁ ଏହି ଖବରକୁ ଜିଲ୍ଲା କୃଷି ଅଧିକାରୀ ଖଣ୍ଡନ କରିବା ସହ ତଦନ୍ତ କରାଯିବ ବୋଲି କହିଛନ୍ତି । ତେବେ ଆଜି ଦ୍ବିତୀୟ ପର୍ଯ୍ୟାୟରେ ମୋଟ 1ଲକ୍ଷ 34ହାଜର 9ଶହ 18 ଜଣ କାଳିଆ ଯୋଜନା ପାଇଁ ଆବେଦନ କରିଥିବା ବେଳେ ଏଥି ମଧ୍ୟରୁ 1ଲକ୍ଷ 18ହଜାର 2ଶହ 13ଜଣ ଯୋଗ୍ୟ ବିବେଚିତ ହୋଇଛନ୍ତି । ଅବଶିଷ୍ଟ 16 ହଜାର 7ଶହ 68ଜଣ ଅଯୋଗ୍ୟ ହିତାଧିକାରୀ ବୋଲି କୃଷି ବିଭାଗ ସୂଚନା ଦେଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
